Qazaqstandaǵy sot óndirisi ázirshe negizsiz sozylyp, nemquraılylyq oryn alǵan - N.Nazarbaev
ASTANA. 20 qarasha. QazAqparat - Qazaqstandaǵy sot óndirisi ázirshe negizsiz sozylyp, nemquraılylyq oryn alǵan. Bul týraly búgin QR Sýdıalarynyń VI sezinde Elbasy Nursultan Nazarbaev aıtty.
«Qazaqstandaǵy sot óndirisi ázirshe negizsiz sozylyp, nemquraılylyq oryn alǵan. Sot ádildigin atqarý tártibi, erejesi júıeli jańǵyrtýdy qajet etedi. Biz muny aıtamyz, ony kún saıyn, jyl saıyn istep te jatyrmyz. Degenmen bul jumystardy jalǵastyrý qajet», - dedi Elbasy. Sonymen qatar Memleket basshysy sot óndirisinde aqparattyq tehnologııalar barynsha jetkilikti qoldanylyp otyrmaǵandyǵyn da basa aıtty. «Sizderdi BAQ-pen arada týyndaǵan bul problemalar sýdıalar men qyzmetkerlerdiń qabyldanǵan sheshimderi týraly, ózderiniń qyzmetteri týraly nashar aqparat bergendiginen týyndaýda»,- dedi N.Nazarbaev.
