Qazaqstandaǵy shetel stýdentteri «Rýhanı jańǵyrýdy» qoldaıdy
Bul týraly Ál-Farabı atyndaǵy QazUÝ ýnıversıtetinde ótken «Qazaqstan shetel stýdentteriniń kózqarasymen» atty telekópirde aıtyldy, dep habarlaıdy QazAqparat tilshisi.
«Qazaqstan shetel stýdentteriniń kózqarasymen» atty telekópirge memleketimizdiń 7 ýnıversıtetiniń ókilderi qatysty. L.Gýmılev atyndaǵy Eýrazııa Ulttyq ýnıversıteti, S. Amanjolov atyndaǵy Shyǵys Qazaqstan ýnıversıteti, M. Ótemisov atyndaǵy Batys Qazaqstan ýnıversıteti, M. Qozybaev atyndaǵy Soltústik Qazaqstan ýnıversıteti, M. Áýezov atyndaǵy Ońtústik Qazaqstan ýnıversıteti , Qazaq memlekettik qyzdar ýnıversıteti jáne Ál-Farabı atyndaǵy Qazaq Ulttyq ýnıversıtetiniń ókilderi onlaın dıalog alańyna shyǵyp, pikir almasty.
QazUÝ Tildik jáne jalpy bilim berý daıyndyǵy kafedrasynyń stýdenti, Italııadan kelgen Darıa Kýalıany Qazaqstannyń qarqyndy damý protsesi qyzyqtyrǵan.
«Men Italııadan keldim. Qazaqstannyń jas memleket bola tura, onyń qarqyndy damý úrdisi meni qyzyqtyrady. Óz elimde júrgende Qazaqstan jaıly az bildim. Maǵan tańsyq, jańa memleketti jaqynyraq bilý úshin osynda keldim. Bilimimdi jalǵastyratyn ýnıversıtet retinde QazUÝ-dy tańdadym. Mundaǵy bilim berý júıesi men oqytýshylar quramy kóńilimnen shyqty. Sondaı-aq QR Prezıdentiniń «Bolashaqqa baǵdar: rýhanı jańǵyrý» baǵdarlamasyn bir aýyzdan qoldaımyn» -dedi Darıa Kýalıa.
Ál -Farabı atyndaǵy QazUÝ «Rýhanı jańǵyrý» ofıs jobasynyń basshysy Kenjehan Matyjanovtyń aıtýynsha, ýnıversıtette álemniń 47 elinen stýdentter kelip oqýda. Oǵan aımaqtaǵy oqý oryndaryn qosqanda elimizdiń shetel stýdentterimen joǵary deńgeıdegi baılanysyn baıqaýǵa bolady.
«Rýhanı jańǵyrý» baǵdarlamasy aıasynda keleli ister júzege asyp jatyr. Ol sharýalardyń nátıjesiniń qalaı bolyp jatqanyn búgingi stýdentterdiń kózqarasynan baıqaı aldyq. Bizdiń Qazaqstanǵa kelip oqyp jatqan stýdentter qadamy elimizdiń úlken deńgeıge jetkenin, álemdik qaýymdastyqtyń bedeldi ókili bolǵandyǵyn kórsetedi.»-dedi Kenjehan Matyjanov.
