Qazaqstandaǵy saılaýǵa EQYU-dan 330-dan astam baıqaýshy keledi
Brıfıngte EQYU/DIAQB Qazaqstandaǵy parlamenttik saılaýdy qadaǵalaý jónindegi mıssııasynyń basshysy Oýen Merfı Syrtqy ister mınıstrligi men Ortalyq saılaý komıssııasyna daıyndyqtaǵy yntymaqtastyǵy úshin alǵysyn bildirdi.
«Biz aldaǵy aptalarda yntymaqtastyǵymyzdyń jalǵasýyn asyǵa kútemiz. Ózderińiz biletindeı, EQYU quramynda 57 memleket bar, olardyń barlyǵy, sonyń ishinde Qazaqstan demokratııalyq protsesterge, adam quqyqtary men negizgi bostandyqtarǵa baılanysty mindettemelerdi moınyna aldy. Uıym músheleriniń árqaısysy EQYU/DIAQB-ny óz elderindegi saılaý protsesterin baqylaýǵa shaqyrýǵa mindetteme aldy. Bizdiń mıssııamyzǵa kelsek, oǵan qatysýshy memleketterdiń 11 halyqaralyq sarapshysy men 11 ókili kiredi. Qalǵan baıqaýshylar toby Astanada bolady. Mıssııa óziniń ýaqytsha keńsesin ashty. 32 uzaq merzimdi baqylaýshy 15 aqpanda keledi. Sodan keıin olarǵa baıqaýshylardyń negizgi toby habar beredi. Top saılaý protsesin aımaqtyq deńgeıde baqylaıdy», - dedi Oýen Merfı.
DIAQB/EQYU Mıssııasynyń basshysy saılaý kúnine 300 qysqa merzimdi baqylaýshy shaqyrylǵanyn aıtty. Olar búkil el boıynsha saılaý ýchaskelerinde bıýlletender ashý, daýys berý, daýystardy sanaý jáne qorytyndylardy ótkizý rásimin qadaǵalaıtyn bolady. Saılaý kúni EQYU Parlamenttik Assambleıasy da baqylaý úshin qosylady.
Aıta keteıik, bıyl 19 naýryzda elimizde Májilis depýtattarynyń kezekten tys saılaýy ótedi jáne osy kúni máslıhat depýtattaryn da saılaý josparlanǵan.
