Qazaqstandaǵy saılaýǵa baılanysty «Barys» HK men Sankt-Peterbordyń «SKA» komandasy arasyndaǵy match keıinge shegerildi

Atalmysh kezdesý 15 qańtarda «Qazaqstan» sport saraıynda ótýi tıis bolatyn, dep habarlaıdy «Barys» klýbynyń baspasóz qyzmeti.

«15 qańtarda «Qazaqstan» sport saraıynda josparlanǵan sharalarǵa baılanysty «Barys» hokkeı klýby óz aıdynynda «SKA» komandasyn qabyldaı almaıdy. QHL kelisimimen matchty Sankt-Peterborda ótkizý týraly sheshim qabyldandy», - dep jazady baspasóz qyzmeti.

Klýbtyń málim etýinshe, jankúıerlerdiń «Barys» oıynyna satyp alǵan bıletterdi kassalarǵa ótkizip, tolyq qunyn qaıtaryp alýlaryna bolady. 

Eske sala keteıik, 15 qańtar kúni Qazaqstanda partııa tizimi boıynsha, QR Parlamenti Májilisiniń depýtattaryn, sonymen qatar QR máslıhattary depýtattaryn saılaý ótedi. «Qazaqstan» sport saraıynda Astana qalasynyń «Almaty» aýdanyna jatatyn №71 saılaý ýchaskesi ornalasqan.