Qazaqstandaǵy saılaýdan úlken áser aldyq - nemis dıplomaty Bertold fon Pletts
ASTANA. QazAqparat - Qazaqstandaǵy saılaý úderisinen úlken áser aldyq, dep atap ótti Qazaqstandaǵy prezıdenttik saılaýǵa Germanııadan kelgen baıqaýshy, dıplomat Bertold Hans-Frıdrıh fon Pletts.
«Biz osynda halyqaralyq baıqaýshylar retinde birneshe kún boıy jumys jasap kelemiz. Biz birqatar kezdesýler ótkizdik. Saılaý ýchaskelerine bas suqtyq jáne ol jerden úlken áser alyp qaıttyq», - dedi ol Astanadaǵy brıfıngte.
Óz kezeginde, Germanııadan kelgen basqa baqylaýshy Býndestag depýtaty Karın Shtrens, qaı saılaýǵa barsaq ta, saılaýshylardyń kóp sanyn kórdik dep otyr.
«Biz Kókshetaýda boldyq. Túske deıin saılaýshylardyń 50 paıyzy daýys berip úlgerdi dep estidik. Bul óte joǵary kórsetkish. Germanııada, mysaly, mundaıdy kórý qıyn», - dedi ol.
