Qazaqstandaǵy saılaýda zań talaptary buzylǵan joq - RF Memdýmasynyń depýtaty
ASTANA. QazAqparat - Qazaqstandaǵy kezekten tys prezıdenttik saılaý zań aıasynda ótýde, zań talaptary buzylǵan joq. Bul týraly búgin brıfıngte RF Memlekettik Dýmasynyń depýtaty, QR Parlamenti májilisiniń Reseı Parlamenti joǵarǵy palatasymen áriptestik qurý tobynyń jetekshisi Oleg Savchenko málim etti.
«Búgin biz tańerteńnen beri kóptegen saılaý ýchaskelerinde boldyq, eń bastysy - saılaýshylardyń sany óte kóp. Barlyǵynda merekelik kóńil-kúı. Barlyǵy tııanaqty jasalǵan, túgel zań aıasynda ótýde. Bul - berilgen daýystar sany sanalyp, memleket basshysy tańdalatynyna zor úmit uıalatady», - dedi ol.
Onyń sózine qaraǵanda, Reseı óziniń kórshiles ári dostas elderde turaqtylyq bolýyna múddeli. «Búgin saılaý demokratııalyq jolmen josparly túrde ótip , Qazaqstan halqy óz prezıdentin tańdaıtyndyǵyna senimdimin. Tańdaý laıyqty úmitkerge túsip, saılaý naýqany qalypty ótetinine senim bildiremin», - deıdi O Savchenko.
