Qazaqstandaǵy saılaý joǵary deńgeıde ótýde - úndistandyq baıqaýshy
ASTANA. QazAqparat - Qazaqstandaǵy saılaý joǵary deńgeıde ótýde. Bul týraly búgin Úndistannan kelgen baıqaýshy Salına Sıngh aıtty.
«Qazaqstandaǵy saılaý óte jaqsy ótip jatyr. Ásirese, adamdardyń daýys berýge kóptep kelýi qýantady. Barlyǵy da óte joǵary deńgeıde ótip jatyr. Bizdiń kóńilimizden shyqty jáne ázirshe bizdiń taraptan eshqandaı eskertý joq», - dedi ol.
Sonymen qatar S.Sıngh Qazaqstan men Úndistannyń saılaý protsesinde aıtarlyqtaı aıyrmashylyq bar ekendigin atap ótti.
«Bizde arnaıy tehnologııa qoldanylady ári barlyǵy da elektrondy túrde júrgiziledi. Árbir daýys berýshiniń óziniń belgili bir nómiri bar, ıaǵnı, barlyǵy avtomattandyrylǵan. Daýys ta elektrondy málimetter bazasynyń kómegimen sanalady. Óıtkeni, bizdiń halqymyzdyń sany óte úlken. Al Qazaqstanda halyq sanynyń az bolýyna baılanysty bıýlletenmen daýys berý barynsha yńǵaıly dep sanaımyn», - dedi úndistandyq baıqaýshy.
