Qazaqstandaǵy saılaý joǵary daıyndyqpen ótti - Denız Baıkal
KÓKShETAÝ. QazAqparat - Túrli elderdegi baqylaýshylyq tájirıbeme súıenip aıtar bolsam, Qazaqstandaǵy saılaý esh qıyndyqsyz, turaqty ári joǵary daıyndyqpen ótti. Aqmola oblysy boıynsha ótken saılaýda halyqaralyq baıqaýshy retinde qatysqan Eýropa keńesi parlamenttik assambleıasy mıssııasynyń ókili, túrkııalyq baıqaýshy Denız Baıkal.
Onyń aıtýynsha, qazaqstandaǵy saılaý nátıjesi álem úshin mańyzdy.
«Qazaqstan men Túrkııa eliniń arasynda erteden kele jatqan baýyrmaldyq tyǵyz baılanys pen salt-dástúri men ádet-ǵuryptarynda aınymas uqsastyq bar.
Qazaqstan saıası arenada ǵana emes, ekonomıkalyq damýy jaǵynan da Ortalyq Azııada kósh bastap tur. Eýrazııanyń kindiginde ornalasqan Qazaqstannyń qaı jaǵynan alsań da múmkindigi zor.
Oǵan sońǵy jyldary Qazaqstanda qolǵa memlekettik baǵdarlamalar men strategııalyq jobalar aıqyn dálel. Halyqaralyq baıqaýshy retinde Qazaqstan Respýblıkasynyń Parlamenti Májilisi jáne barlyq deńgeıdegi máslıhat depýtattary saılaýynyń ótý barysyna joǵary baǵa beremin.
Biz óńirdegi saılaý ýchaskeleriniń birnesheýinde boldyq. Turǵyndar uıymdasqan túrde saılaýǵa lek-legimen aǵylyp, belsendi atsalysty. Qazaqstandaǵy saılaý nátıjesi álem úshin mańyzdy. Óıtkeni Qazaqstan Orta Azııadaǵy turaqtylyq pen beıbitshiliktiń oshaǵy bolyp sanalady», dedi túrkııalyq baıqaýshy.
