Qazaqstandaǵy saılaý halyqtyń senimi men qoldaýyn kórsetti - Sadyr Japarov

ASTANA. QazAqparat – Qyrǵyz Respýblıkasynyń Prezıdenti Sadyr Japarov Joǵary Eýrazııalyq ekonomıkalyq keńestiń Bishkektegi otyrysyn asha otyryp, Qazaqstan Prezıdentin saılaýdaǵy jeńisimen quttyqtady, dep habarlaıdy QazAqparat tilshisi.

«Osy sátti paıdalanyp, qurmetti Qasym-Jomart Kemelulyn taǵy da Qazaqstan Respýblıkasynyń Prezıdenttigine kiriskenimen quttyqtaǵym keledi. Qazaqstan Respýblıkasy Prezıdentiniń saılaýy Qazaqstan halqynyń tolyq senimi men qoldaýyn pash etti. Sizdiń dana basshylyǵyńyzben bárimiz úshin baýyrlas Qazaqstan damý men gúldený jolyndaǵy senimdi qadamyn jalǵastyra beretininen kózim jetedi», - dedi Qyrǵyz basshysy.

Aıta keteıik, Memleket basshysy Joǵary Eýrazııalyq ekonomıkalyq keńestiń otyrysyna qatysý úshin Bishkekke bardy. Odaqqa múshe elderdiń basshylary qazir shaǵyn qurammen otyrys ótkizip jatyr.

Vıdeodan alynǵan kadr