Qazaqstandaǵy saılaý esh qıyndyqsyz, turaqty ári joǵary daıyndyqpen ótip jatyr -túrkııalyq baqylaýshy
ALMATY. 3 sáýir. QazAqparat /Ádilet Musahaev/ - Saılaýdyń sońǵy sátteri júrip jatyr, osy ýaqytqa deıin 11 saılaý ýchaskesinde bolyp, saılaýdyń ádil ótip jatqanyna kýá boldyq.
Búgin elimizde ótip jatqan QR Prezıdentiniń kezekten tys saılaýyna qatysty túrkııalyq qoǵamdyq-tanymdyq gazetiniń jýrnalısi, Halyqaralyq baqylaýshylardyń múshesi Kýrshad Zorlý Almatyda BAQ ókilderimen kezdesý barysynda osyndaı pikir aıtty.
«Ár jyldary túrli elderde baqylaýshy mindetin atqardym, Qazaqstandaǵy saılaý esh qıyndyqsyz, turaqty ári joǵary daıyndyqpen ótip jatyr», -deıdi túrkııalyq baqylaýshy.
Sonymen qatar ol Qazaqstanda buryn da bolǵandyǵyn, «Mádenı mura» baǵdarlamasy aıasynda derekti fılm túsirýge atsalysqandyǵyn aıta kele búgingi Qazaq eli kóptegen jetistikterge jetken, ekonomıkasy turaqty elge aınalǵandyǵyn aıtyp ótti. «Ekonomıkalyq kózqaraspen qaraıtyn bolsaq sońǵy jyldary Qazaqstanǵa shetten 70 mıllıard dollar ınvestıtsııa tartylǵan eken. Bul óte joǵary kórsetkish, tipten Túrkııaǵa mundaı ınvestıtsııa tartyla qoımaǵan. Qazirgi ýaqytta bul elde 2030 jylǵa deıingi damý strategııasy men ındýstrııalyq-ınovatsııalyq úlken jobalar iske asyp jatyr. Bul Qazaqstannyń bolashaǵyn aıqyndap, damýdyń týra jolǵa túskendigin kórsetip otyr», -deıdi K.Zorlý.
Sondaı-aq ol eki eldiń mádenı qarym-qatynasyna toqtalyp, aldaǵy ýaqytta ony nyǵaıta túsý úshin qoldan kelgenin jasaıtyndyǵyn aıtyp ótti. «Qazaqstanda túrkııalyq serıaldar kóp kórsetiledi eken, eger bizdiń kınolarǵa suranys bolsa ony qamtamasyz etip, tipten akterlermen kezdesý ótkizýge bar jaǵdaıdy jasaımyz», -deıdi túrkııalyq baqylaýshy.
