Qazaqstandaǵy saılaý barlyq qaǵıdalarǵa saı, ashyq túrde ótip jatyr - baıqaýshy

ALMATY. QazAqparat – Reseı Federaldyq jınalysy memlekettik dýmasynyń eýrazııalyq ıntegratsııa jáne otandastarmen qarym-qatynas, TMD isteri jónindegi komıteti tóraǵasynyń orynbasary Artem Týrov, Reseıdiń Almaty qalasyndaǵy Bas konsýldyǵynyń konsýl-keńesshisi Artem Oganov jáne «Edınaıa Rossııa» partııasy Ortalyq atqarý komıtetiniń TMD jáne Baltyq elderindegi parlamentaralyq yntymaqtastyq jobalary basshysy Nıkolaı Jýravlev megapolıste ótip jaqan saıası naýqanǵa qatysty pikir bildirdi, dep habarlaıdy QazAqparat tilshisi.

Artem Oganov Almatyda saılaý protsesiniń jaqsy uıymdastyrylǵanyn atap ótti.

«Bul meniń birinshi baqylaý mıssııam emes. Eń aldymen, saılaý komıssııalary músheleriniń saılaýshylarǵa degen meıirimdi qarym-qatynasyn atap ótkim keledi. Múgedekterge arnalǵan alańdardyń qalaı jabdyqtalǵanyna da toqtalyp óteıin: biz barǵan jerdiń barlyǵynda múmkindigi shekteýli azamattarǵa arnalǵan kabınalar boldy», - dedi Artem Oganov.

Jýrnalıster spıkerden Qazaqstan men Reseı Federatsııasynyń saılaý úderisterindegi aıyrmashylyqtary týraly surady.

Óz kezeginde, ol eki eldiń de EQYU-ǵa múshe ekenin aıtty.

«Bul daýys berý kezinde baqylaýshylar kóbirek boldy, ásirese jastar. Referendýmda ár saılaý ýchaskesinde 4-5 baıqaýshy bolsa, búginde orta eseppen 7-8 adam bar, onyń tórteýi ádettegideı jastar boldy. Jastardy saıası úderisterge tartý – jaqsy tájirıbe», - dedi A.Oganov.

Artem Týrov saılaý protsesi júıeli túrde qurylǵanyn, barlyǵy qoldanystaǵy ulttyq zańnamanyń aıasynda ótip jatqanyn atap ótti.

«Biz 17 saılaý ýchaskesinde bolyp, barlyq jerde saılaý komıssııalary músheleriniń dostyq qarym-qatynasyn, joǵary habardarlyǵyn kórdik. Kemshilikterge kezikken jerimiz joq. Biz TMD elderinde de, Batys elderinde de saılaý úderisin baqylaýǵa birneshe ret qatystyq. Qazaqstandaǵy saılaý barlyq qaǵıdalar men erejelerge saı, ashyq túrde ótip jatyr dep aıta alamyn. Biz Qazaqstannyń basqa óńirlerindegi saılaýdy baqylap júrgen áriptesterimizben baılanysta bolyp, olardan da shamamen osyndaı baǵa alyp otyramyz», - dedi spıker.