Qazaqstandaǵy saılaý ashyq ári demokratııaly túrde ótti - Ýkraına baıqaýshysy
ASTANA. QazAqparat - Kezekten tys Parlament saılaýy barysy men nátıjesi Qazaqstanda saıası daǵdarys joqtyǵyn kórsetti. Saılaý ashyq ári demokratııaly túrde ótti. Ýraınanyń Joǵarǵy Radasynyń depýtaty Rýslan Solvar osylaı málim etti.
Ol Ýkraınada ekonomıkalyq qıynshylyqtardyń bolyp jatqandyǵyn atap ótip, osyǵan baılanysty Nursultan Nazarbaevtyń táýelsizdik jyldary «aldymen - ekonomıka, sodan keıin - saıasat» degen qazaqstandyq damý modelin qyzyǵýshylyǵyn bildirdi.
Saılaýdyń uıymdastyrylýyna qatysty, R.Solvar onyń joǵary deńgeıde ótkendigin atap ótti. Ol saılaýǵa kelýshiler qatarynyń kóp bolǵandyǵyn jáne halyqtyń Memleket basshysyn qoldaıtyndyǵyna toqtala ketti. Basqa elderde de Qazaqstandaǵydaı sekildi saılaý demokratııalyq negizde ótýin tileımin, dedi Rada depýtaty.
«Daǵdarysqa qaramastan damýyn toqtatpaı alǵa jyljyǵan Qazaqstan úshin qýanýǵa bolady. Eń bastysy elde turaqtylyq arqasynda ekonomıkanyń ósýine múmkindik beretin ınvestıtsııaǵa jaqsy jaǵdaı jasalǵan», dedi Rýslan Solvar.
