Qazaqstandaǵy saýda ortalyqtarynyń basshylary jaýapqa tartyldy - ІІM
ASTANA. QazAqparat - QR Іshki ister mınıstriniń orynbasary ıÝrıı Ilın Qazaqstanda órt qaýipsizdigine qatysty saýda ortalyqtaryndaǵy tekserýlerdiń barysy jaıynda esep berdi, dep habarlaıdy QazAqparat tilshisi.
«Azamattyq qorǵaý organdary bıylǵy 2 sáýirden bastap adamdar jappaı baratyn saýda nysandarynyń órtke qarsy qorǵanýyna tekserý júrgizdi. 2018 jyldyń 20 sáýirdegi málimeti boıynsha jalpy 972 tekseris taǵaıyndalyp, onyń ishinde 851-i aıaqtaldy. Tekserýmen qamtylǵan nysandarda 10 myńnan astam ereje buzý anyqtaldy», - dedi ıÝ. Ilın.
Onyń sózine qaraǵanda, barlyq kináli adamdar ákimshilik jaýapqa tartyldy, salynǵan aıyppuldar somasy 16 mln teńgeden asty. Osy oraıda nysandardy paıdalanyp otyrǵandarǵa atalǵan kemshilikterdi joıýǵa qatysty nusqaýlar berildi.
«Osy nysandarda shamamen 2-den 20-ǵa deıin erejebuzýshylyqtar anyqtalýda», - dedi mınıstrdiń orynbasary.
Begili bolǵandaı, bul nysandar boıynsha baqylaý tekseristeri aǵymdaǵy jylǵy mamyr-maýsym aılarynda bastalady.
Budan bólek, el aýmaǵyndaǵy órt qaýipsizdigi talaptaryn tolyqtaı oryndap kelgen 11 nysan tirkeldi. Bul iri saýda oryndarynda eshqandaı kemshilikter anyqtalmady.
Budan buryn habarlanǵandaı, QR ІІM Tótenshe jaǵdaılar komıtetiniń tóraǵasy Vladımır Bekker bıznesmenderdiń Qazaqstandaǵy oıyn-saýyq jáne iri saýda ortalyqtarynyń tekserisine qaramastan, óz nysandarynyń órt qaýipsizdigine salǵyrt qaraıtynyn aıtty.
