Qazaqstandaǵy sarshunaq aıaz Ózbekstanǵa aýady
TAShKENT. QazAqparat - Qazaqstannyń soltústigindegi sýyq aýa massalary 27-29 qańtar kúnderi Ózbekstan aýmaǵyna qaraı jyljıdy, dep habarlaıdy «QazAqparat» HAA-nyń menshikti tilshisi Ýzgıdromet baspasóz qyzmetine silteme jasap.
Respýblıka aýmaǵyndaǵy aýa temperatýrasy klımattyq normadan 7-12 gradýsqa tómen bolady. 28-29 qańtar kúnderi termometr baǵany kúndiz mınýs 2-5, túnde mınýs 11-14 gradýs, al soltústik aımaqtarynda kúndiz mınýs 7-10, túnde mınýs 17-20 gradýsty kórsetedi.
Ýzgıdromet Ózbekstan azamattaryna sýyq aýa raıy sharýa qamyn, avtokólik qozǵalysyn, baılanys, energetıka jáne kommýnaldyq qyzmet kásiporyndarynyń jumysyn qıyndatýy múmkindigin aıtyp eskertedi.
Eske sala ketsek, sońǵy jyldary Ózbekstandaǵy eń qatty aıaz 2007-2008 jylǵy qysta bolǵan. Jeltoqsannyń aıaǵyna qaraı bastalǵan sýyq aýa raıy aqpannyń ortasyna deıin saqtalǵan edi. Sol qysta Tashkent qalasyndaǵy aýa temperatýrasy mınýs 17 gradýsqa deıin tómendegen.
