Qazaqstandaǵy reseılik banktiń klıentteri qarajatyn buǵattan bosatý úshin OFAC ruqsatyn alýy tıis

NUR-SULTAN. QazAqparat – Sberbank pen Alfa-Bank klıentteri qarajattaryn buǵattan bosatý úshin AQSh retteýshisiniń jeke ruqsatyn alýy tıis. Bul týraly Májilis depýtattarynyń saýalyna QR Qarjy naryǵyn retteý jáne damytý agenttiginiń tóraǵasy Mádına Ábilqasovanyń jaýabynda aıtylǵan, dep habarlaıdy QazAqparat.

«Sberbank» AQ EB-de jáne «Alfa-Bank» AQ EB-de sheteldik bankter qaıtarǵan klıentter qarajatynyń somasy boıynsha aqparat joq, sebebi olar arqyly operatsııalar júzege asyrylǵan bankterdiń korrespondenttik shottary buǵattalǵan. Buǵattalǵan qarajat klıentterge basqa bankter arqyly qaıtarylýy múmkin», - dep atap ótedi agenttik tóraǵasy jaýabynda.

Onyń túsindirýinshe, operatsııalardy buǵattan bosatý úshin bankterdiń klıentteri óz betinshe AQSh retteýshisiniń (OFAC) ınternet-resýrsynda arnaıy nysandy toltyrý arqyly onyń jeke ruqsatyn alýy qajet.

«Qazirgi ýaqytta bankter óz klıentterine kontragent banktermen kelissózderdi júzege asyrý jáne OFAC-tyń jeke lıtsenzııasyn alý tártibi týraly aqparat usyný arqyly kómek kórsetýde. 2022 jylǵy 5 mamyrda «Bank TsentrKredıt» AQ «Alfa-Bank» AQ EB satyp alǵany belgili. «Bank TsentrKredıt» AQ «Alfa-Bank» AQ EB-ni aktsıonerdiń aýysýyna baılanysty SDN tiziminen shyǵarý úshin bas lıtsenzııa alý maqsatynda OFAC-qa hat joldady, ony alǵannan keıin onyń korrespondenttik shottaryn jáne klıentterdiń qarajatyn tolyq buǵattan bosatý kútilýde», - delingen Mádına Ábilqasymovanyń jaýabynda.