Qazaqstandaǵy prezıdenttik saılaý EO talaptaryna saı ótýde - Ulybrıtanııa baıqaýshysy
ASTANA. QazAqparat - Qazaqstandaǵy prezıdenttik saılaý Eýroodaq talaptaryna saı ótýde, - dep esepteıdi Ulybrıtanııa baıqaýshylar mıssııasynyń ókili, Londonnyń dıplomatııa akademııasynyń rektory Djozef Mıfsýd.
"Men EO elderinde jáne ózge memleketterde de saılaý naýqandaryna baqylaýshy retinde qatystym. Qazaqstandaǵy saılaý úderisi barlyq normalarǵa saı ótýde jáne adamdar úshin úlken mereke boldy. Kóptegen saılaý ýchaskelerinde daýys berý otbasylyq qýanyshty da jarqyn oqıǵaǵa uqsas boldy jáne bul azamattyq standarttarǵa tolyǵymyn sáıkes keledi. Bul saılaý úderisine qatysty meniń pikirim", - dep atap ótti ol.
Onyń aıtýynsha, Ulybrıtanııa baıqaýshylary elordadaǵy 19, 50, 49, 68 jáne 168 ýchaskelerde boldy.
"Halyqaralyq baıqaýshylar saılaýshylarmen tildesip, daýys berý úderisin baqylap otyrdy", - deıdi Djozef Mıfsýd.
