Qazaqstandaǵy prezıdenttik saılaý eki rekord ornatty - saıasattanýshy
ASTANA. QazAqparat - 26 sáýirde ótken kezekten tys prezıdenttik saılaýda eki rekord ornatyldy, dep esepteıdi saıasattanýshy Danııar Áshimbaev.
«Aldymen, saılaýǵa kelýshiler deńgeıiniń joǵary bolǵanyn aıtýǵa bolady. Bul postkeńestik elder ishinde jalpy búkil álemdegi eń úzdik kórsetkish. Saılaý komıssııalary men úmitkerlerdiń shtabtarynyń elektorattyń belsendiligin arttyrý maqsatynda júrgizgen jumystarynyń nátıjeli bolǵanyn, elektorat belsendiliginiń, onyń azamattyq ustanymynyń joǵary bolǵanyn kórsetti», - dep atap ótti ol.
Saıasattanýshynyń sózine qaraǵanda, bul kórsetkishter Qazaqstan úshin rekordty.
«Ekinshiden, exit poll jarııalaǵan málimet boıynsha 97 paıyzdan astam daýys jıǵan Elbasynyń jeńiske jetýi el turǵyndary ózderiniń úmitin onyń aldaǵy qyzmetimen baılanystyratynyn aıǵaqtaıdy. Turǵyndar Qazaqstannyń táýelsizdik jyldary qol jetkizgen jetistikterin joǵary baǵalaıdy. Bul ultaralyq kelisim, saıası turaqtylyq, ekonomıkalyq reformalar men áleýmettik qamtýdyń joǵary kórsetkishi. Meniń oıymsha, turǵyndardyń Memleket basshysynyń jańa baǵdarlamasyn qoldaýyna qaraǵanda, el bolashaǵyn ózgerissiz, artqa sheginbeı, kerisinshe alǵa jyljýyn qalaıdy. Barlyǵymyzdy bul jeńispen quttyqtaýǵa bolady dep oılaımyn», - dedi D. Áshimbaev.
