Qazaqstandaǵy prezıdenttik saılaý demokratııa normalaryna tolyq sáıkes - Ýkraına depýtaty
BAKÝ. 8 sáýir. QazAqparat /Arnur Muhametkárim/ - Bul kúnderi álem elderiniń memleket jáne úkimet basshylary Qazaqstanda ótken kezekten tys prezıdenttik saılaýǵa qatysty ózderiniń oń pikirlerin bildirýde jáne Qazaqstan Prezıdentiniń atyna shynaıy quttyqtaýlaryn joldaýda.
Osynaý naýqannyń nátıjesi skeptıkterdiń óziniń kúmánin týǵyzbaǵanyn aıta ketý kerek. Ýkraınanyń halyq depýtaty, Joǵarǵy Radanyń quqyqtyq saıasat máseleleri jónindegi komıtetiniń hatshysy Vladımır Tolstenko QazAqparat tilshisine bergen suhbatynda osyndaı pikir aıtty.
«Qazaqstandaǵy prezıdenttik saılaýdy demokratııa normalaryna tolyq sáıkes ótti dep baǵalaımyn. N.Nazarbaevqa osynshalyqty kóp paıyz halyqtyń daýys bergeni tań qalatyn jaıt emes, sebebi qazirgi tańda ol eldiń aldynda turǵan demokratııany ári qaraı damytý, memlekettiń ekonomıkalyq ósýin jedeldetý sııaqty úlken mindetterdi júzege asyrýda el azamattarynyń tolyq qoldaýyna ıe bolyp otyr. Halyqaralyq arenada Qazaqstannyń aldynda eldiń bedelin nyǵaıtý, onyń ishinde postkeńestik keńistiktegi yqpaldasý, mysaly Keden odaǵyna yqpaldasý sııaqty mindetter tur. Bedeldi, demokratııalyq jolmen qaıtadan saılanǵan prezıdent retinde N.Nazarbaevqa, halyqtyń osyndaı qoldaýynyń arqasynda, osy jáne basqa da máselelerdi sheshý jeńil bolady», - deıdi Ýkraına depýtaty.
