Qazaqstandaǵy Prezıdent saılaýynda ShYU baqylaýshylar mıssııasyn Bas hatshysy Dmıtrıı Mezentsev basqarady
ASTANA. QazAqparat - Ótken aptada Beıjiń qalasynda Shańhaı yntymaqtastyq uıymyna múshe memleketterdiń Ulttyq úılestirýshiler keńesiniń (UÚK) otyrysy ótti. UÚK otyrysynda Qazaqstan delegatsııasyn ShYU qyzmetiniń máseleleri jónindegi Ulttyq úılestirýshi, QR SІM Erekshe tapsyrmalar jónindegi Elshi Aıdar Ábishev basqardy.
Májiliste ShYU-ǵa múshe memleketterdiń Ulttyq úılestirýshileri aǵymdaǵy jylǵy 9-10 shildede Úfa qalasynda josparlanǵan kezekti Memleket basshylarynyń sammıtine jáne 2015 jylǵy basqa da is-sharalaryn daıyndaý máselelerin qarastyrdy.Ulttyq úılestirýshiler ShYU 2025 jylǵa deıingi Damý strategııasynyń jobasyn ázirleý jáne Uıymdy keńeıtý týraly pikir almasty.
Sonymen qatar, taraptar 2015 jylǵy 29 naýryzdaǵy Ózbekstan Respýblıkasy jáne 26 sáýirdegi Qazaqstan Respýblıkasy Prezıdenti saılaýyna qatysatyn ShYU-dan Baqylaýshylar mıssııasyn qurý máselelerin talqylady. ShYU Bas hatshysy Dmıtrıı Mezentsev Qazaqstandaǵy Prezıdent saılaýynda ShYU-nyń baqylaýshylar mıssııasyn basqarady.
Otyrystyń qorytyndysy boıynsha hattamaǵa qol qoıyldy, dep habarlady QR SІM baspsóz qyzmeti.
