Qazaqstandaǵy prezıdent saılaýyn baqylaýǵa 76 sheteldik baıqaýshy tirkeldi

ASTANA. QazAqparat – Ortalyq saılaý komıssııasy QR Prezıdentiniń kezekten tys saılaýyna halyqaralyq uıymdar men shet memleketterden baıqaýshylardy akkredıttep jatyr, dep habarlaıdy QazAqparat tilshisi.

«22 qyrkúıekte kezekten tys prezıdent saılaýyn halyqaralyq baıqaý ınstıtýty ashylǵan sátten beri QR Ortalyq saılaý komıssııasy 4 halyqaralyq uıym men 3 shet memleketten jalpy 76 baıqaýshyny akkredıtatsııadan ótkizdi. 31 qazandaǵy jaǵdaı boıynsha Ortalyq saılaý komıssııasyna Syrtqy ister mınıstrliginen 4 halyqaralyq uıym men 5 shet memleketten 63 baıqaýshy akkredıtteýge usynyldy», - dedi Ortalyq saılaý komıssııasynyń hatshysy Muhtar Erman búgingi OSK otyrysynda.

Onyń aıtýynsha, 4 halyqaralyq uıymnan 54 baıqaýshy akkredıtteý úshin usynyldy, onyń ishinde TMD – 31 baıqaýshy, TMD qatysýshy memleketterdiń Parlamentaralyq assambleıasynan – 10 baıqaýshy, Islam yntymaqtastyq uıymynan – 3 baıqaýshy, UQShU Parlamenttik assambleıasynan – 10 baıqaýshy bar.

5 shet memleketten 9 kandıdatýra, atap aıtqanda Armenııadan - 2, Majarstannan - 2, Moldovııadan ekeý, Reseıden ekeý jáne Shvyetsııadan – 1 baıqaýshy akkredıtteýge usynyldy.

Akkredıtteý úshin kelip túsken usynystarǵa qaraı, baıqaýshylar jónindegi derekter jańartylyp otyrady.

Buǵan deıin OSK prezıdent saılaýynda daýys berýge arnalǵan bıýlletendi tanystyrǵan edi.

Sonymen birge, 4 qarashadan bastap saılaýshylar ózi týraly derekterdi teksere alady.