Qazaqstandaǵy poıyzdardyń jyldamdyǵy 2 ese artady - Qazaqstan temir joly

ASTANA. 14 aqpan. QazAqparat - 2012 jyldyń 1 qańtarynan 7 aqpanyna deıin Qazaqstandaǵy jolaýshy poıyzdary 1 871 505 jolaýshy tasymaldady, dep habarlaıdy «Qazaqstan temir joly» UK» AQ baspasóz qyzmeti.

Bul 2011 jyldyń sáıkes kezeńindegi deńgeıden 11,9 paıyzǵa joǵary.

2012 jyldan beri «QTJ» UK» AQ jolaýshylardy jedel tasymaldaý baǵdarlamasyn júzege asyra bastady. Bul baǵdarlamanyń iske asýy Astana qalasyndaǵy «Tulpar-Talgo» zaýyty shyǵaratyn jańa jolaýshy vagondaryna baılanysty. Mundaı 19 vagondardan quralǵan birinshi poıyz Almaty men Petropavl qalalaryn baılanystyrady. Jyl saıyn zaýyt 150 jańa vagondy paıdalanýǵa bermek.

«Bul - jolaýshy qozǵalysyndaǵy serpin», - dep atap ótti «QTJ» UK» AQ Prezıdenti Asqar Mamın apparat keńesinde.

 «Jyldamdyqty 2 ese ulǵaıtyp, ýaqyt shyǵynyn 2 ese azaıtamyz. Oǵan barlyq negiz bar: zaýyt salyndy, jyljymaly quram bolady. Qazir osy jyldamdyqta júrý úshin ınfraqurylymdy daıyndap, halyqtyń mobıldiligin arttyrý qajet. Óıtkeni halyqtyń mobıldiligin arttyrý - bul ekonomıkanyń qarqynyna áser etýshi tikeleı faktor», - dedi kompanııa basshysy.

2011 jyly temir jol kóligi 16,5 mln. jolaýshy tasymaldady, bul 2010 jylǵa qaraǵanda 10%-ǵa kóp.