Qazaqstandaǵy Parlament saılaýyna 45 elden 287 halyqaralyq baıqaýshy men sheteldik BAQ ókilderi tirkeldi
Onyń atap ótkenindeı, bizdiń elimizde bolatyn aldaǵy saılaýdy baıqaýǵa EQYU-nyń Demokratııalyq ınstıtýttar men adam quqyqtary jónindegi bıýrosy, EQYU-nyń Parlamenttik Assambleıasy, Eýropa Keńesiniń Parlamenttik Assambleıasy, Táýelsiz Memleketter Dostastyǵy, Shanhaı yntymaqtastyq uıymy, Islam yntymaqtastyq uıymy, Túrkitildes memleketterdiń yntymaqtastyq keńesi, Túrkitildes elderdiń Parlamenttik Assambleıasy sııaqty uıymdar, 19 shet memlekettiń ortalyq saılaý organdarynyń ókilderi shaqyryldy.
«2016 jylǵy 1 naýryzdaǵy jaǵdaı boıynsha Qazaqstan Respýblıkasy Ortalyq saılaý komıssııasy Syrtqy ister mınıstrliginiń usynysymen halyqaralyq uıymdar men shet memleketterdiń 175 baıqaýshysyn akkredıttedi. Olardyń ishinde EQYU/DIAQB-nyń 44 baıqaýshysy, TMD mıssııasynyń 111 baıqaýshysy, 3-eýi Islam yntymaqtastyq uıymynan, segiz shet memlekettiń 17 baıqaýshysy bar», - dedi M. Sársembaev.
Budan basqa Qazaqstan Respýblıkasy Syrtqy ister mınıstrligi 26 memleketten 112 sheteldik BAQ ókilin akkredıttedi.
«Osylaısha, qazirgi ýaqytta barlyǵy 45 elden 287 halyqaralyq baıqaýshy men sheteldik buqaralyq aqparat quraldarynyń ókili akkredıtteldi. Elimizdiń saılaý zańnamasyna sáıkes halyqaralyq baıqaýshylar men Syrtqy ister mınıstrligi akkredıttegen jýrnalısterdiń saılaý protsesiniń barlyq kezeńderine qatysýǵa, saılaý naýqanynyń barysy týraly aqparat alýǵa, daýys berý men daýystardy sanaýdy júrgizý ýaqytynda saılaý ýchaskelerine barýǵa, saılaý protsesine qatysýshylarmen kezdesýge, saılaý komıssııalarynyń múshelerine óz baıqaýlary, anyqtalǵan buzýshylyqtar týraly habarlaýǵa, usynymdar engizýge, jarııa ótinishter jasaýǵa quqyǵy bar», - dedi OSK múshesi.
Brıfıng sońynda M. Sársembaev «uzaq merzimdi jáne qysqa merzimdi halyqaralyq baıqaýshylardyń bolýy saılaýdy uıymdastyrýshylardyń, kandıdattar men saıası partııalardyń, azamattyq qoǵam men saılaý protsesine basqa da qatysýshylardyń jaýapkershiligin arttyra túsedi. Sonymen qatar otandyq baıqaýshylardyń, saıası partııalar men qoǵamdyq birlestikterdiń, buqaralyq aqparat quraldary ókilderiniń, sondaı-aq halyqaralyq sarapshylar men baıqaýshylardyń birlesken jumysy men ózara tıimdi is-qımyly saılaý protsesin barynsha ádil, transparentti ári ashyq etýge múmkindik beredi», dep atap ótti.
Aıta keterligi, shet memleketter men halyqaralyq uıymdardyń baıqaýshylaryn akkredıtteýdi Ortalyq saılaý komıssııasy 2016 jylǵy 14 naýryzǵa deıin júzege asyrady.
