Qazaqstandaǵy Ózbekstan azamattary Ólıı Májilisi depýtattary saılaýyna qatysady
NUR-SULTAN. QazAqparat – Qazaqstanda ýaqytsha júrgen Ózbekstan azamattary úshin ÓR Ólıı Májilisi palatasyna depýtattardy saılaý rásiminde daýys berýdiń tártibi túsindirildi, dep habarlaıdy QazAqparat tilshisi.
2019 jylǵy 22 qarashadaǵy Ortalyq saılaý komıssııasy qaýlysyna sáıkes, sheteldegi Ózbekstannyń dıplomatııalyq ókildikteri men konsýldyq mekemeleri janynda saılaý ýchaskeleri quryldy. Atap aıtqanda, bul sharalar bıylǵy 22 jeltoqsanda shetelde ýaqytsha jáne turaqty turyp jatqan Ózbekstan azamattary úshin Ólıı májilisi palatasyna depýtattardy saılaý boıynsha uıymdastyrylyp otyr.
Azamattar úshin barynsha qolaıly jaǵdaı jasaý maqsatynda Nur-Sultan qalasyndaǵy Ózbekstan Elshiligi 12-sinen 18 jeltoqsanǵa deıin Qazaqstan óńirlerine barýdy qamtı otyryp, aldyn ala daýys berýdi uıymdastyrady.
12 jeltoqsan kúni Qazaqstannyń Qaraǵandy jáne Jambyl oblystarynyń aýmaǵynda ýaqytsha jáne turaqty turyp jatqan Ózbekstan azamattarynyń Ólıı Májilisi palatasyna aldyn ala daýys berýi bastaldy.
Saǵat 16:00-degi jaǵdaı boıynsha atalǵan óńirlerde Ózbekstannyń 404 azamaty daýys berdi.
13 jeltoqsanda aldyn ala daýys berý Túrkistanda Qoja Ahmet ıAsaýı atyndaǵy Halyqaralyq qazaq-túrik ýnıversıteti ǵımaratynda jergilikti ýaqytpen saǵat 09:00-den 13:00 aralyǵynda ótkizý josparlanyp otyr.
Sonymen qatar Elshilik ókilderi Qazaqstan aýmaǵynda ýaqytsha ári turaqty turyp jatqan barlyq Ózbekstan azamattaryn 22 jeltoqsanda Nur-Sultandaǵy ÓR Elshiligi ǵımaratyndaǵy daýys berý sharalaryna shaqyrdy.
