Qazaqstandaǵy osy prezıdenttik saılaý kelesi parlamenttik saılaý qalaı ótedi degen turǵydan alǵanda mańyzdy - AQSh-tan kelgen táýelsiz baqylaýshy
AǴANDY. 3 sáýir. QazAqparat /Valentına Elızarova/ - "Qazaqstanda ótip ótip jatqan QR Prezıdentiniń kezekten tys osy saılaýy eldegi kelesi parlamenttik saılaý qalaı ótedi degen turǵydan alyp qaraǵanda mańyzdy", - deıdi AQSh-tan kelgen táýelsiz baqylaýshylar tobynyń ókili ıAnýsh Býgaıskıı.
«Jıyrma bes jyl boıy men ártúrli elderdegi saılaý, baqylaý monıtorıngterine qatysyp júrmin. Onyń ishinde 22 jyl boıy postkommýnıstik elderde boldym. Al Qazaqstanǵa alǵash ret saılaýǵa baqylaýshy bolyp keldim», - deıdi QazAqparat tilshisine bergen suhbatynda ıA. Býgaıskıı.
AQSh-tan kelgen táýelsiz sarapshynyń oıynsha, Qazaqstandaǵy saılaý ashyq jáne erkin túrde ótip jatyr. «Tańerteńnen beri men 6 saılaý ýchaskesinde boldym. Saılaýshylardyń kóbi tańǵy saǵat 10 men 12 arasynda daýys berýge keldi. Al saılaý úrdisiniń ózi jaqsy, tıimdi uıymdastyrylǵan. Saılaý quqyǵyn buzýǵa jol beretin eshqandaı qubylystar bolǵan joq. Azamattardyń saılaýshylar tiziminen óz aty-jónderin tappaı qalǵan jaǵdaıda, ol másele birden sol ornynda sheshilip jatty», - dep atap ótti ıA. Býgaıskıı.
Daýys berý úrdisi aıaqtalǵan soń sheteldik baqylaýshy saılaý ýchaskesi qalaı jabylyp, daýys qalaı sanalatyndyǵyn kórýge qatysady.
