Qazaqstandaǵy Orys Pravoslav Shirkeýiniń Mıtropolııa Okrýgine áýlıe apostol Andreı Pervozvannyı súıeginiń bólshegi tabys etildi
ASTANA. 30 qarasha. QazAqparat - /Gúlmıra Álıakparova/ - Búgin Astana qalasynyń Ýspen kafedraldy soborynda Qazaqstandaǵy Orys Pravoslav Shirkeýiniń Mıtropolııa Okrýgine Rım-Katolık Shirkeýiniń delegatsııasy Rım Papasy XVI Benedıkttiń syıy - áýlıe apostol Andreı Pervozvannyı súıeginiń bólshegin tabys etti.
Delegatsııany Qasıetti Taq pen Vatıkan eliniń Memlekettik hatshysy kardınal Tarchızıo Bertone bastap keldi. Sharaǵa Qasıetti Taqtyń ózge memlekettermen qarym-qatynasy jónindegi Hatshysy arhıepıskop Domınık Mambertı, Qazaqstan men Ortalyq Azııadaǵy Apostoldyq Nýntsıı arhıepıskopy Mıgel Maýrı Býendıa, katolık epıskoptary jáne Mıtropolııa Okrýginiń Basshysy mıtropolıt Aleksandr men Qazaqstandaǵy Pravoslav Shirkeýiniń epıskopaty qatysty.
«Men Qazaqstan Respýblıkasynyń Astanasynda Sizderdi qarsy alýǵa qýanyshtymyn. Bul Eýrazııa kindiginde ornalasqan tamasha memleket.Men Qazaqstanda bolǵanyma ózimniń shyn nıetti qýanyshymdy jetkizemin»,- dedi Qasıetti Taq pen Vatıkan eliniń Memlekettik hatshysy Kardınal Tarchızıo Bertone.
T. Bertoneniń atap kórsetkendeı, onyń Qazaqstanǵa saparynyń basty maqsaty - 1-2 jeltoqsan kúnderi Astanada ótetin EQYU múshe elder basshylarynyń sammıtine qatysý. «Ártúrli dinderdiń jaıly ári jetistikte birge ómir súrip otyrǵan bul tamasha elge shaqyrtýdy birden qabyldadym», -dedi ol.
Astana qalasy ákimdigi baspasóz qyzmetiniń málimetinshe, Italııanyń Amalfı qalasynda saqtalyp kelgen apostol Andreı Pervozvannyıdyń qasıetti súıeginiń bólshegin Qazaqstannyń Pravoslav Shirkeýine tabys etý máselesi Qazaqstan Mıtropolııasy men Apostoldyq Nýntsıatýra arasynda buryn da talqylanyp kelgen.
Іnjil boıynsha Andreı apostoldar arasynda alǵash bolyp Hrıstostyń artynan ergen. Hrıstıan dástúrine sáıkes, ol Kishi Azııa, Qara teńiz jaǵalaýy arqyly ótip, Dnepr ózeni boıynsha búgingi Kıev qalasy turǵan taýǵa qaraı joǵary kóterilip, Іnjildi shyǵys elderinde ýaǵyzdaǵan.
Apostol Andreı Eýrazııa keńistigine hrıstıan dinin taratqan. Ol jerdi meken etken hrıstıandar, pravoslavtar men katolıkter apostoldyń rýhanı muragerleri bolyp tabylady. Áýlıe Andreı Pervozvannyıdyń esimi barshaǵa tanymal, ol Reseı, Ýkraına, Shotlandııa, Rýmynııa, Gretsııa, Sıtsılııa men Amalfıdiń qorǵaýshysy bolyp esepteledi.
1689 jyly ımperator І Petr apostol Andreıdiń qurmetine Reseı memleketiniń joǵarǵy ordenin taǵaıyndady, sondaı-aq orys teńiz floty kemeleri úshin Andreı týyn bekitti. Týdy latynnyń H árpi tárizdi apostol Andreıdiń kógildir kresti órnektep tur. Áýlıe apostol Andreı Pervozvannyı Ordeni -1998 jylǵy 1 shildeden bastap Reseı Federatsııasynyń joǵary ordeni.
1998 jylǵy 12 qazanda Reseı men Qazaqstan arasyndaǵy dostyq qarym-qatynastaryn nyǵaıtý isine qosqan aıryqsha úlesi úshin Qazaqstan Respýblıkasynyń Prezıdenti N.Á. Nazarbaev Reseıdiń eń joǵarǵy memlekettik nagradasy - áýlıe apostol Andreı Pervozvannyı Ordenimen marapattaldy.
Elimizdegi dindarlar men qala qonaqtary barlyq hrıstıan áleminiń asa qurmetti belgisin Elbasy N.Á. Nazarbaevtyń qoldaýymen salynǵan Respýblıkanyń basty shirkeýi, Ortalyq Azııanyń eń iri pravoslav shirkeýi - Astana qalasynyń Ýspen kafedraldy soborynda tamashalaı alady.
EQYU sammıti qarsańynda Astanada ótken bul shara elimizde ornaǵan konfessııaaralyq tatýlyqtyń kórinisi bolyp tabylady jáne Qazaqstannyń rýhanı ómirinde mańyzdy oqıǵaǵa aınalyp otyr.
