Qazaqstandaǵy ónerkásip kásiporyndar basshylary 2015 jyly iskerlik belsendilik joǵarylaıdy dep baǵalaıdy
ASTANA. QazAqparat - Qazaqstandaǵy ónerkásip kásiporyndarynyń basshylary 2014 jylǵy qarashada ótken aımen salystyrǵanda daıyn ónimge suranystyń jáne óndiris kóleminiń azaıǵanyn atap ótti. Bul olardyń iskerlik belsendiliginiń tómendegenin aıǵaqtaıdy.
Ulttyq ekonomıka mınıstrligi Statıstıka komıtetiniń málimetine qaraǵanda, iskerlik belsendiliginiń ózgerýin sıpattaıtyn kásipkerliktiń senimdilik ındeksi ótken aımen salystyrǵanda 5 paıyzdyq tarmaqqa tómendep (+)7 paıyzdy quraǵan.
«Ónerkásip kásiporyndary basshylarynyń basym bóliginiń baǵalaýy boıynsha, jaqyn keleshekte, 2015 jylǵy aqpanǵa deıin iskerlik belsendiliktiń ósýi kútiledi. Al, saýda kásiporyndary basshylarynyń baǵalaýy boıynsha 2014 jylǵy qarashada ótken aımen salystyrǵanda tutynýshylyq suranys pen iskerlik belsendilik kórsetkishi tómendedi. Atap aıtqanda, kásipkerliktiń senimdilik ındeksi (-) 8 paıyzdyq tarmaqqa tómendep, 0 paıyzdy qurady. Bul rette osy saladaǵy saýalnamaǵa sáıkes, suralǵandardyń 73 paıyzy 2015 jylǵy aqpanǵa deıin óziniń qarjylyq-sharýashylyq qyzmetiniń ózgerissiz qalatynyn, al 14 paıyzy jaqsaratynyn, sonymen qatar, 9 paıyzy nasharlaıtyndyǵyn baǵalaǵan», - delingen baspasóz baıanynda.
