Qazaqstandaǵy negizgi ózender shaǵyn tospalarmen jabdyqtalýy múmkin
ASTANA. 19 aqpan. QazAqparat - Búgin Úkimet otyrysynda QR Premer-Mınıstr Serik Ahmetov tasqynnyń aldyn alý aıasynda elimizdiń negizgi ózenderinde shaǵyn tospalar qurylysyn qarastyrýdy tapsyrdy.
«Elbasy gıdrotehnıkalyq jabdyqtardy jóndeýden bólek, birneshe márte bizdiń negizgi ózenderde qar erý kezindegi tasqyn kezeńinde shaǵyn tospalar jasaý týraly máseleni kótergen bolatyn. Ásirese, bul másele kóktemde sýdyń aýqymdy kólemin jınaqtaýǵa qatysty bolyp otyr. Osyny baılanystyryp, salalyq baǵdarlamany qarastyrý kerek» ,-dep júktedi S. Ahmetov.
Osy oraıda Úkimet basshysy tıisti memlekettik organdar basshylarynyń basyn qosyp, ákimdermen keńesip, bul máseleni qarastyrý qajet ekenin qadap aıtty. «Shyn máninde gıdrotehnıkalyq jabdyqtarǵa tıisti deńgeıde nazar aýdarylǵan joq», - dep túıdi ol.
