Qazaqstandaǵy mys óndiretin jetekshi kompanııa qyzmetkerleriniń 80 paıyzy vaktsına aldy
ÓSKEMEN. QazAqparat – Qazaqstannyń birneshe oblysynda mys óndiretin iri kompanııa qyzmetkerleriniń 80 paıyzy vaktsına aldy, dep habarlaıdy QazAqparat tilshisi.
KAZ Minerals kompanııasynyń el aýmaǵyndaǵy barlyq óndiristik kásiporyndaryndaǵy eńbek ujymynyń 80%-y koronavırýsqa qarsy vaktsına saldyrǵan.
Bul kórsetkish boıynsha qyzmetkerler sany eń kóp óndiristik qurylym – Shyǵys Qazaqstan oblysyndaǵy «Shyǵystústimet» JShS bolyp otyr.
Onda ekpeniń eki komponentin jumysshylardyń 90,9 paıyzy (6416 adam) aldy.
«Aqtoǵaı» KBK-de vaktsına saldyrǵandardyń úlesi 80%-ǵa nemese 3113 adamǵa jetti. Pavlodar oblysyndaǵy vahtalyq ádispen jumys isteıtin Bozshakól kenishinde de ekpe saldyrǵandar artyp keledi. Naqty aıtqanda, onda vaktsınanyń eki komponentin 2264 adam aldy. Bul - qyzmetkerlerdiń jalpy sanynyń 83 paıyzy», - delingen kompanııa taratqan málimette.
Pandemııa bastalǵaly beri kásiporyn ShQO men Pavlodar oblystaryndaǵy medıtsına mekemelerin dári-dármekpen, qorǵanys quraldarymen jáne qajetti jabdyqtarmen qamtamasyz etti.
