Qazaqstandaǵy muraǵattar Vatıkandaǵy muraǵattyń deńgeıine jetkizilmek

ASTANA. QazAqparat - Qazaqstandaǵy muraǵattar Vatıkandaǵy muraǵattyń deńgeıine jetkiziledi. Bul týraly búgin Mádenıet jáne sport mınıstrliginiń keńeıtilgen alqa májilisinde osy vedomstvonyń basshysy Arystanbek Muhamedıuly málim etti.

«Bizde muraǵattar tek jaqsy bir qoımalar sekildi, ıaǵnı qujattardy jınap, olardy jaýyp qoıady. Muraǵattarda dúnıejúzilik tájirıbege saı ǵylymı ortalyq bolýy kerek. Mysaly, Vatıkannyń muraǵatyna barsańyz, ol jerde birneshe kún buryn tirkelip, qomaqty qarjyny tólegennen keıin ǵana kirgizedi. Bizdiń maqsatymyz da elimizdegi muraǵattardy osyndaı deńgeıge jetkizý»,-dedi mınıstr.

Osy oraıda ol Qazaqstanda kóptegen qundy qujattar bar ekendigin jáne olarmen jumys isteý kerektigin atap ótti.