Qazaqstandaǵy mobıldik baılanys naryǵy ınternet taratý esebinen kún kórýde
Bıylǵy jyldyń jeti aıynyń qorytyndysy boıynsha mobıldik baılanys operatorlarynyń qyzmet kólemi 124,7 mlrd teńgege boldy. Bul ótken jylǵa qaraǵanda 0,1 paıyzǵa artyq. Salystyratyn bolsaq, 2017 jyldyń qańtar-shilde aılaryndaǵy kólem jyldyq quldyraýdyń 16,8 paıyzǵa jetkenin kórsetti.
Bıyl ınternet-provaıderler mobıldik baılanys operatorlaryn birjolata basyp ozdy: tirkelgen ınternet-baılanysty usyný boıynsha qyzmetter barlyq baılanys qyzmeti kóleminiń 32,8 paıyzyn qamtıdy. Sondaı-aq mobıldik baılanys qyzmeti bar-joǵy 31,4 %.
Alǵash ret ınternet-provaıderler aǵymdaǵy jyldyń qańtar aıynan bastap kórsetkishin mobıldik operatorlardan arttyrdy, sodan beri ósim baıqalady. Mobıldik baılanys operatorlary halyqqa jalpy qyzmet kóleminiń 71,1% -yn kórsetken: 88,7 mlrd teńge, ótken jylmen salystyrǵanda 3,5% -ǵa az.
Aǵymdaǵy jyly abonentter sany aıtarlyqtaı ósti: jyl boıyna 2,2%-ǵa, ıaǵnı 25,95 mıllıonǵa deıin artty. Osyǵan deıin abonentter sany 2014 jyldan bastap qysqarǵan bolatyn (2013 j. 5,8%-ǵa azaıǵan). Osy ýaqyt aralyǵyndaǵy tómendeý 2014 jyldyń jeltoqsan aıynan bastap barlyq mobıldik telefon ıelerine qalta telefondarynyń nómirlerin tirkeýdi talap etýimen túsindiriledi.
Internet-qyzmetter turaqty segment suranymynda ǵana emes, sonymen qatar mobıldik web-baılanys segmentinde de qoldanylady. Sondaı-aq tolyqtaı mobıldik baılanys naryǵyn tolyqtyrýmen qatar, joǵary jyldamdyqty ǵalamtorǵa qoljetimdiligi bar mobıldik abonentter sanyn belsendi túrde ósirý de jalǵasady: shilde aıynyń qorytyndysy boıynsha olar 12,4 mıllıonǵa, jyl boıyna 12,5% -ǵa ósken (bul jalpy abonentter sanynyń 47,8%-y, al 2016 jyldyń shilde aıynda 43,4% bolsa, 2015 jyly bar-joǵy - 33%). 4G/LTE jelileriniń elimizde jarty jyl buryn ǵana taralǵanyna qaramastan, Qazaqstan damýshy elder qatarynda mobıldik baılanys jyldamdyǵy men ony eńserý deńgeıi boıynsha alǵa ozdy. 2017 jyldyń 1 qańtarynan 31 naýryzy aralyǵynda álemniń 75 eliniń arasynda 4G/LTE standartyna zertteý júrgizgen OpenSignal brıtandyq kompanııasynyń baǵalaýy boıynsha, Qazaqstan «4G/LTE jelisiniń qoljetimdiligi» boıynsha 54-orynǵa turaqtady. Elimiz 61,2% kórsetkishimen Italııa, Reseı, Germanııa, Frantsııa, Jańa Zelandııa elderin artta qaldyrdy. Al bul satyda Ońtústik Koreıa, Japonııa men Norvegııa elderi kósh bastady