«Qazaqstandaǵy memlekettik til saıasatynyń ózekti máseleleri» taqyrybynda «dóńgelek ústel» otyrysy ótedi
ASTANA. 7 qyrkúıek. QazAqparat - Almaty qalasynda «Alternatıva» ózekti zertteýler ortalyǵy Qazaqstan Respýblıkasynyń Mádenıet mınıstrliginiń qoldaýymen ústimizdegi jylǵy 12 qyrkúıekte «Qazaqstandaǵy memlekettik til saıasatynyń ózekti máseleleri» taqyrybynda «dóńgelek ústel» sharasyn ótkizedi.
Ortalyqtyń baspasóz qyzmetiniń habarlaýynsha, «dóńgelek ústel» otyrysyn ótkizýdiń negizgi maqsaty - Qazaqstan Respýblıkasynyń memlekettik til saıasatyn iske asyrýdyń negizgi áleýmettik, saıası, ǵylymı-lıngvıstıkalyq jáne bilim berý aspektilerin, qol jetkizilgen nátıjelerdi jáne aldaǵy keleshegin talqylaý jáne obektıvti baǵasyn aıqyndaý bolyp tabylady.
«Dóńgelek ústeldiń» jumysyna memlekettik organdardyń, ǵylymı-zertteý qurylymdarynyń, saraptamalyq qaýymdastyqtardyń, saıası partııalardyń, úkimettik emes uıymdardyń jáne buqaralyq aqparat quraldarynyń ókilderi qatysady.
