Qazaqstandaǵy memlekettik qyzmetshilerdiń 70 paıyzy qashyqtan jumys isteý tártibine ótti
NUR-SULTAN. QazAqparat - Qazaqstandaǵy memlekettik qyzmetshilerdiń 70 paıyzy qashyqtan jumys isteý tártibine ótti, dep habarlaıdy QazAqparat tilshisi.
«Memleket basshysynyń ókimimen Qazaqstan halqynyń qaýipsizdigi úshin elimizde tótenshe jaǵdaı engizildi. Premer-mınıstrdiń jetekshiligimen tótenshe jaǵdaı rejimin qamtamasyz etý jónindegi memlekettik komıssııa búgin de jumys istep jatyr. Qabyldanǵan sharalardyń negizgi maqsaty – koronavırýs indetiniń elimizdiń basqa óńirlerine taralýyn tejeý», - dedi Eraly Toǵjanov Úkimettiń baspasóz ortalyǵynda ótken onlaın rejimdegi brıfıng barysynda.
Úkimet basshysynyń orynbasary osy maqsatta naqty birneshe shara qabyldanǵanyn eske saldy.
«Birinshiden Nur-Sultan men Almaty qalalaryna qalalaryna kirip-shyǵý shekteledi. Naýryz aıynyń 22-nen saǵat 00.00-den bastap atalǵan eki qala men áýe, temir jol, avtobýs arqyly adam tasý toqtatylady. 22-ne deıin azamattarǵa elorda men Almatyǵa erkin kelýge nemese ketýge bolady. Ekinshiden óndiristik taýarlar satatyn jáne oıyn-saýyq ortalyqtary, mádenıet, tamaqtaný jáne qyzmet kórsetý ortalyqtary ýaqytsha jabyldy. Azyq-túlik dúkenderi men dárihanalar burynǵy tártip boıynsha jumys isteýde», - dedi ol.
Eraly Toǵjanov úshinshiden Prezıdenttiń sheshimimen Qazaqstandaǵy memlekettik qyzmetshilerdiń 70 paıyzy qashyqtan qyzmet etý tártibine ótti.
«Nur-Sultan men Almaty qalalarynyń menshik túrine qaramastan barlyq memlekettik mekemelerdiń jumysy qashyqtan qyzmet etý tártibine ótedi. Bul sharalardyń negizgi maqstay – ár azamattyń óz úıinde bolýyn, basqa azamattarmen qarym-qatynasyn tolyǵymen shekteýdi qamtamasyz etý», - dedi ol.
