Qazaqstandaǵy memlekettik qyzmet úlgisi jetildirýdi qajet etedi - D. Káletaev
ALMATY. Jeltoqsannyń 25-i. QazAqparat /Erbol Azanbek/ - Qazaqstandaǵy qazirgi memlekettik qyzmet modeli jetildirýdi qajet etedi. Bul týraly búgin «Samuryq-Qazyna» UÁQ-nyń atqarýshy dırektory Darhan Káletaev Halyqaralyq bıznes akademııasynyń stýdentterimen kezdesýi barysynda aıtty,
dep habarlaıdy QazAqparat.
«Konkýrstyq negizde irikteý úlgisi bastapqyda durys bolǵan, alaıda ýaqyt óte kele bul júıeniń kemshilikteri shyǵa bastady. Búgingi tańda biz ony saraptap, oń baǵyttaryn qaldyryp, ary qaraı damytýymyz kerek», deıdi D.Káletaev. Ol bul turǵyda 2008 jyly Astanada ótken halyqaralyq konferentsııa barysynda Elbasynyń memlekettik qyzmettiń jańa prıntsıpteri týraly aıtqanyn eske saldy. «Qazirgi tańda Elbasy byltyrǵy jyly aıtap kórsetken shynshyldyq-tıimdilikke negizdelgen memlekettik qyzmet úlgisi bizge qajet. Bul sıngapýrlyq úlgi ońaı, ári aıqyn. Sondaı-aq bul úlgi saıası qyzmet pen ákimshilik qyzmettiń aıyrmashylyǵyn aıqyn anyqtap beredi», dedi ol.
D.Káletaev kezdesý barysynda básekege qabiletti memlekettik kadrlardy daıyndaý, daıyn mamandardyń básekege qabilettiligin arttyrý máseleleri týraly óz oıyn ortaǵa saldy.
