Qazaqstandaǵy memlekettik basqarý júıesin reformalaý máseleleri boıynsha jýrnalısterge arnalǵan semınar-trenıng ótti

Semınar memlekettik basqarý júıesi máseleleri týraly jazatyn buqaralyq aqparat quraldary ókilderine arnalǵan. Іs-sharanyń maqsaty - jýrnalısterdiń memlekettik organdardyń jáne memelekettik qyzmetshilerdiń jumysyn baǵalaýyna qatysty máselelerdi qarastyrý barysynda biliktilik deńgeıin arttyrý.

Semınar-trenıng barysynda QR Prezıdenti janyndaǵy Memlekettik basqarý akademııasy Memlekettik qyzmetshilerdi qaıta daıarlaý jáne biliktiligin arttyrý ınstıtýtynyń dırektory, professor Serik Qaparov memlekettik basqarý júıesine jáne memlekettik qyzmetti reformalaýdyń dúnıejúzilik tájirıbesine sholý jasady. Sonymen qatar BAQ salasyndaǵy tájirıbeli maman Marjan Elshibaeva jýrnalıster etıkasy jáne aqparattyń qol jetimdiligi máseleleri boıynsha dáris ótkizdi.

BUU Damý baǵdarlamasy men Norvegııa Koroldiginiń Qazaqstandaǵy Elshiliginiń qoldaýymen uıymdastyrylǵan sharaǵa Astanada shyǵatyn gazet, jýrnal jáne elektrondyq basylymdardyń jýrnalısteri qatysty.