Qazaqstandaǵy memqyzmetshilerdiń tórtten birin qysqartý: Kim ketedi? Kim qalady?
Damyǵan eldermen salystyrǵanda QR-da memqyzmetshiler kóp pe álde az ba?
«Bıyl memlekettik apparatty 10 paıyzǵa, kelesi jyly taǵy 15 paıyzǵa ońtaılandyrý josparlanyp otyr. Osylaısha Prezıdenttiń memlekettik apparatty 25 paıyzǵa qysqartý týraly tapsyrmasy 2021 jyly júzege asyrylady», - dedi Anar Jaıylǵanova.
Agenttik tóraǵasynyń aıtýynsha, qazirgi ýaqytta Qazaqstanda 97 myń memlekettik qyzmetshi bar. Bul – 9,2 mln ekonomıkalyq belsendi halyqtyń 1,1 paıyzy. Anar Jaıylǵanova bul kórsetkish damyǵan memleketterdiń kórsetkishimen saı keletinin atap ótti. Sózine sensek máselen Frantsııada memlekettik qyzmetshilerdiń úlesi 8 paıyzdy, Kanadada 1,5 paıyzdy, Avstralııada 1,4 paıyzdy, AQSh-ta 1,3 paıyzdy quraıdy.
«Keıingi jyldary Qazaqstanda memlekettik qyzmetshilerdiń sanyn qysqartý baǵytynda jumys júrgizilip jatyr. 2018 jyly bizde 98,7 myń memlekettik qyzmetshi bolsa, 2019 jyly olardyń sany 97,4 myń, 2020 jyldyń І jartyjyldyǵynda 97 myń boldy», - dedi ol.
Jalpy Qazaqstanda memlekettik organdar halyqtyń ómiriniń búkil salasynyń úzilissiz jumysyn qamtamasyz etetinin eskere otyryp, qysqartý saldarynan kelýi múmkin jaǵymsyz jaılardy nazarǵa alyp, birqatar shara qabyldaý kózdelip otyr eken. Birinshiden, ońtaılandyrýǵa jatatyn laýazymdardy taldaý kezinde eń birinshiden turaqty bos laýazymdar qarastyrylady. Búgingi tańda bos vakansııalardyń sany 8 myń. Bul – memlekettik apparattyń jalpy laýazymynyń 8,5 paıyzy. Sonymen birge zeınetkerlerdiń jumysty bosatýyna baılanysty jylyna 1 myń laýazym bosaıdy. Odan bólek 6 myń memlekettik qyzmetshi jeke sektorǵa nemese basqa da uıymdarǵa aýysady.
«Bul jaǵdaılar memlekettik qyzmetshilerdiń shynaıy qysqarýyn azaıtar degen senimdemiz», - deıdi Anar Jaıylǵanova.
Qaı sanattaǵy memqyzmetshiler jumystan shyǵarylmaıdy?
Qazaqstanda memlekettik qyzmetshilerdiń sanynyń azaıýy – qanshalyqty tıimdi nemese tıimsiz? Álbette memleket bul rette resýrsty únemdegenimen jumysynan bosap qalǵan azamattar qaıda barady? Mine baspasóz máslıhaty barysynda osy suraq ta agenttiktiń basshysyna qoıyldy.
«Áleýmettik turǵyda álsiz jáne qysqarýǵa jatatyn memlekettik qyzmetshilerdiń qorǵalýyn qamtamasyz etý kerek. Qazirgi ýaqytta Eńbek kodeksine sáıkes jumystan aıaǵy aýyr áıelder, úsh jasqa deıingi balasy bar áıelder, jalǵyzbasty analar, bala tárbıelep otyrǵan basqa da adamdar, sonymen birge zeınet jasyna 2 jyl ýaqyt qalǵan adamdar qysqartylmaıdy», - dedi Anar Jaıylǵanova.
Onyń aıtýynsha osyǵan baılanysty memlekettik qyzmetshilerdiń joǵaryda atalǵan quqyqtarynyń qorǵalýyna baqylaý júrgiziledi. Sondaı-aq memlekettik qyzmet týraly zańǵa sáıkes memlekettik qyzmette úsh jyldyq ótili bar adamdarǵa jumystan shyǵarda ortasha aılyqtyń tórt eselengen mólsheri beriledi. Bul norma tájirıbeli qyzmetkerlerdi júıede qaldyrýǵa yntalandyrýǵa baǵyttalǵan.
Jaýapty hatshylardyń mindeti apparat basshylaryna beriledi
Mınıstrlikterdegi jaýapty hatshylardyń jumysy memlekettik apparattyń turaqtylyǵyn qamtamasyz etip, bılik vartıkalin bekemdeıtini, Prezıdent Ákimshiliginiń jeke vedomstvolarǵa baqylaýyn kúsheıtip, mınısterlerdi ákimshilik-kadrlyq jumystardan bosatyp, olardyń negizgi kúsh-qýatyn saıası mańyzy bar isterge jumyldyrar dep kútilgen eken. Sonymen birge jaýapty hatshylar ınstıtýtynyń negizgi tapsyrmasy – saıası memlekettik qyzmetshiler aýysqan jaǵdaıda memlekettik organdardyń kadrlarynyń saqtalýyn qamtamasyz etý bolǵan. Alaıda Anar Jaıylǵanova memlekettik qyzmettegi kareralyq modelge aýysýymen bul qural óziniń mańyzdylyǵyn joǵaltyp alǵanyn atap ótti. Onyń aıtýynsha buryn jaýapty hatshylar Memleket basshysy Prezıdent Ákimshiliginiń usynýymen jáne Úkimet basshysynyń kelisimimen taǵaıyndalatyn.
«Normatıvti-quqyqtyq qujattarǵa ózgerister engizilgennen keıin mınıstrlikterdegi apparat basshylaryn mınıstrdiń ózi Prezıdent janyndaǵy kadrlyq saıasat jónindegi ulttyq komıssııanyń kelisimimen taǵaıyndaıtyn boldy. Jaýapty hatshylar qysqartylǵannan keıin olardyń mindetteri apparat basshylaryna beriledi. Apparat basshylarynda «A» korpýsynyń mártebesi saqtalar degen oıdamyz», - dedi agenttik basshysy.
Sonymen qatar Anar Jaıylǵanova jaýapty hatshylardy qysqartý memlekettik apparattyń jumysyna áser etpeıtinin málim etti.
«Bul tapsyrmany oryndaý úshin agenttik zańnamalyq túzetýler paketin ázirledi. Ol osy jyldyń sońyna deıin qabyldanady», - dedi ol.
2021 jylǵy Prezıdenttik kadr rezervi: Іrikteýge memorgandar da atsalyspaq
Memleket basshysy júktegen taǵy bir mańyzdy mindettiń biri – 2021 jyly Prezıdenttik jastar kadrlyq rezervin ótkizý. Agenttik basshysy qazirgi ýaqytta onyń mehanızmi boıynsha jumys júrgizilip jatqanyn aıtady. Bul joly shaǵyn ǵana menedjerler men kásibı mamandardy iriktep alý josparlanyp otyr eken. Agenttik basshysy alǵash ret Prezıdenttik jastar kadrlyq rezervine irikteý jumysy 2019 jyly ótkizilgenin eske saldy.
«Prezıdenttiń jastar kadr rezervine irikteýdiń nátıjesinde myqty degen 300 úmitker tańdap alyndy. Búginge deıin onyń 153-i jumysqa ornalasqan. Olardyń ishinde ony - saıası qyzmetke, «A» korpýsyna ekeýi, qalǵany jeke jáne kvazımemlekettik sektordaǵy jumysqa ornalasty. 2021 jylǵy irikteýdiń 2019 jylǵy irikteýden basty aıyrmashylyǵy – naqtylyqqa negizdeledi. ıAǵnı, irikteý memlekettik organdardyń shynaıy qajettiligine baılanysty ótkiziledi», - dedi ol.
Anar Jaıylǵanova odan bólek tapsyrmany sapaly oryndaý úshin irikteý jumysyna qajettiligi bar memlekettik organdardyń ózi tartylatynyn jetkizdi.
«Qazirgi ýaqytta memlekettik organdarǵa qajettiligi jóninde usynystardy jiberý boıynsha hattar joldandy. Úmitkerlerdi irikteý kelesi kezeńderden turady: birinshisi – qatysýshylardyń qujattaryn qabyldaý. Bul jumys avtomattandyrylǵan onlaın-formatta júrgiziledi. Sondaı-aq qashyqtan alynatyn testileý úmitkerlerdiń kúrdeli aqparattarmen jumys júrgizý qabiletin aıqyndap, olardyń analıtıkalyq jáne synı paıymdaýyn anyqtaýǵa múmkindik beredi. Úmitkerler bul jerde óz múmkindikteri men qabiletin dáleldeýi tıis. Kelesi kezeń – keıstik mindetterdi oryndaý. Bul kezeńde úmitkerler jazbasha jáne kommýnıkatsııalyq daǵdylaryn, sondaı-aq naqty bir saladaǵy bilim deńgeıin, synı oılaı bilý deńgeıin kórsetedi. Olardyń jumysyn naqty saladaǵy sarapshylar baǵalaıdy», - dedi ol.
