Qazaqstandaǵy medıtsınalyq mekemelerdiń 99,3% elektrondy qujattamaǵa kóshti
«Búginde 697 derbes medıtsınalyq uıymnyń 692-i jazbany elektrondy túrde júrgize alady. Densaýlyq saqtaý mınıstrligi ol úshin tıisti ınfraqurylym men elektrondy bazany qurady. Medıtsınalyq mekemelerdiń tolyǵymen e-qujat almasýǵa kóshýi úshin basty 3 element eskerilýi kerek: kompıýterlik tehnıkalardyń bolýy, ınternet jáne arnaıy medıtsınalyq aqparattyq júıe», - dep jazylǵan «Tsıfrlyq Qazaqstan» memlekettik baǵdarlamasynyń Feısbýk paraqshasynda.
Habarlamada aıtylǵandaı, búginde QR Densaýlyq saqtaý mınıstrligi QR Aqparat jáne kommýnıkatsııalar mınıstrligimen birigip aýyldyq jerlerdegi medıtsınalyq jáne feldsher-akýsherlik beketterge ınternet tartý jumystarymen aınalysýda. 2022 jylǵa qaraı eldimekenderdi tolyǵymen sapaly ınternetpen qamtamasyz etý josparlanýda.
«Sonymen qatar Qazaqstanda elektrondy densaýlyq pasporty engizilýde. Onda naýqasqa qatysty aqparattyń barlyǵy bolady, ıaǵnı onyń aýrýy men emdelýi týraly málimetter,vaktsınatsııa, qarsy kórsetilim jáne taǵy basqa. Densaýlyq pasporty HL7 halyqaralyq standartyna sáıkes ázirlendi. Qazirgi kúni halyqtyń 89% (18,3 mln azamat) elektrondy pasport qurylyp, toltyryldy», -delingen habarlamada.
