Qazaqstandaǵy medıtsınalyq qyzmet sapasy jyldan jylǵa jaqsaryp keledi - QR DSM
ASTANA. QazAqparat - Qazaqstandaǵy medıtsınalyq qyzmet sapasy jyldan jylǵa jaqsaryp keledi. Bul týraly búgin QR Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń tóraıymy Laýra Ahmetnııazova aıtty.
Onyń málimetinshe, bes jyldan beri Densaýlyq saqtaý mınıstriniń buıryǵy boıynsha elimizdegi kez kelgen medıtsınalyq uıymda medıtsınalyq qyzmettiń sapasyn basqarý qyzmeti jumys istep keledi. Búginde ol Naýqasty qoldaý qyzmeti dep ózgertilgen. Olar "osynda jáne qazir" prıntsıpi boıynsha kez kelgen naýqastyń qyzmet kórsetýge qatysty shaǵymyn der kezinde qarap, máselesin sheship berýmen aınalysady.
"Osy qyzmet engizilgennen beri naýqastardyń shaǵymy da jyl sanap azaıyp keledi. Naýqastardyń shaǵymdary taban astynda sheshiledi. Qazaqstannyń densaýlyq saqtaý júıesi naýqas úshin anaǵurlym ashyq bolyp, aýrýhanalardyń jumysy azamattardyń talabyna saı jaqsaryp keledi. Sapany basqarý qyzmetterin bas dárigerdiń orynbasarlary júrgizetindikten, kez kelgen shaǵym basshylyq deńgeıinde qarastyrylady", - dedi L. Ahmetnııazova.
Onyń málimetinshe, 2013 jyly medıtsınalyq qyzmet sapasyna baılanysty jalpy sany 2 myńǵa jýyq shaǵym túsken. Bul - 2012 jylmen salystyrǵanda edáýir tómen kórsetkish.
