Qazaqstandaǵy Qytaıdyń burynǵy elshisi QHR SІM orynbasary bolyp taǵaıyndaldy

ASTANA. QazAqparat - Qazaqstan Respýblıkasyndaǵy Qytaı Halyq Respýblıkasynyń Tótenshe jəne ókiletti elshisi Chjan Hanhýeı dıplomatııalyq mıssııasynyń aıaqtalýyna baılanysty qyzmetinen bosatyldy. Bul týraly QazAqparat tilshisi QHR syrtqy saıası vedomstvosynyń resmı saıtyna silteme jasap habarlaıdy.

Málim etilgendeı, Chjan Hanhýeı Qazaqstandaǵy elshi qyzmetin aıaqtaǵannan keıin, QHR Syrtqy ister mınıstriniń kómekshisi bolyp taǵaıyndaldy.

Chjan Hanhýeı 1963 jyly Lıaonın provıntsııasynda dúnıege kelgen. Eńbek jolyn 1988-1992 jyldar aralyǵynda Beıjiń qalasyndaǵy dıplomattarǵa qyzmet kórsetý bıýrosynda aýdarmashy laýazymynan bastaǵan.

1992-1995 jyldary Qytaıdyń Qyrǵyzstandaǵy elshiliginiń úshinshi hatshysy;  1995-2001 jyldary QHR Syrtqy ister mınıstrligi Eýrazııa departamentiniń úshinshi hatshysy, dırektorynyń orynbasary jáne dırektor qyzmetterin atqarǵan.

2001-2014 jyldary QHR-dyń Ýkraınadaǵy elshiliginiń keńesshisi, QHR Syrtqy ister mınıstrligi Eýrazııa departamenti keńesshisi jáne Eýrazııa departamentiniń basshysy boldy.

2014-2018 jyldary QHR-dyń Qazaqstan Respýblıkasyndaǵy Tótenshe jəne ókiletti elshisi mıssııasyn atqardy.