Qazaqstandaǵy qysqy Azııa oıyndaryna salynǵan sporttyq nysandar keleshekte ınvestıtsııa tartýǵa múmkindik beredi - AOK prezıdenti
ALMATY. 1 aqpan. QazAqparat /Erlik Erjanuly/ - Qazaqstan 7-Qysqy Azııa oıyndaryn tabysty ótkizý úshin barlyq kúsh-jigerin sala aldy. Azııa Olımpıadalyq keńesiniń prezıdenti sheıh Ahmad ál-Fahd as-Sabah búgin Almatyda ótken baspasóz máslıhaty osyndaı pikir bildirdi.
«7-Qysqy Azııa oıyndaryn uıymdastyrǵan adamdar men eriktilerge óz alǵysymdy bildirem. Qazaqstan ony tabysty ótkizý úshin barlyq kúsh-jigerin sala aldy. Bul óte mańyzdy. Óıtkeni barlyq sport nysandary el úshin jaqsy ınvestıtsııa bola alady», -deıdi sheıh Ahmad ál-Fahd as-Sabah.
Azııa Olımpıadalyq keńesi prezıdentiniń aıtýynsha, bul jarystyń álemdik qarjylyq-ekonomıkalyq daǵdarys kezinde ótip jatqanyn da erekshe atap ótýge bolady. 7-Qysqy Azııa oıyndary buqaralyq aqparat quraldarynyń arqasynda qazir búkil álemge taralyp otyr. Halyqaralyq Olımpıada komıtetiniń prezıdenti Jak Rogge myrza da Qazaqstannyń 2022 jylǵy qysqy Olımpıada oıyndaryn qabyldaýǵa múmkindigi mol ekenin aıtty. Qazaqstan oǵan 7-Qysqy Azııa oıyndaryna salynǵan sport nysandarynyń arqasynda qol jetkizip otyr.
