Qazaqstandaǵy Qyrǵyzstan azamattary prezıdenttik saılaýda Astanadaǵy elshilikte daýys bere alady
ASTANA. 14 qazan. QazAqparat - Qazaqstanda turatyn Qyrǵyzstan azamattary aldaǵy 30 qazan kúni ótetin prezıdenttik saılaýda óz elderiniń Astanadaǵy elshilikterinde daýys bere alady.
«Kazahstanskaıa pravda» gazetinde jarııalanǵan Qazaqstan Respýblıkasyndaǵy Qyrǵyzstan Respýblıkasy elshiliginiń habarlamasyna súıensek, elshilikte №028-shi ýchaskelik saılaý komıssııasy quryldy. Onda Qyrǵyzstan azamattary saǵat 08:00-den 19:00-ge deıin daýystaryn bere alady.
Qyrǵyzstan prezıdentin saılaý 2011 jyldyń 30 qazanyna belgilendi. Osy ýaqytta memlekettiń basshylyǵyna 20 adam úmitker.
