Qazaqstandaǵy qylmyspen kúreske spýtnıkter jumyldyrylmaq
«Búgingi kúni otandyq spýtnıkter Qazaqstan Respýblıkasynyń barlyq aýmaǵyn túsirip, osynyń arqasynda ǵaryshtyq keskinderdiń órnegi (mozaıkasy) jasaldy. Biz jyl boıy toqsan saıyn Qazaqstannyń 21 qalasynda qalanyń qurylysyna monıtorıng jasaý úshin túsirilim júrgizemiz», - dedi Erǵazy Nurǵalıev.
Onyń aıtýyna qaraǵanda, 2016 jyldyń qarasha aıynan bastap «Qazaqstan Ǵarysh Sapary» AQ Bas prokýratýra jáne «Azamattarǵa arnalǵan Úkimet» AQ-pen birlesip, «Jer zań boıynsha berilsin - ózdiginen ıemdenýdi toqtataıyq» atty jospardy júzege asyrýda.
«Atalǵan jospardyń tapsyrmasynda geoportaldy qurý boıynsha jumys qarastyrylǵan. Ol geoportalǵa jer kadastrynyń avtomattandyrylǵan júıesiniń kadastrlyq málimetteri men ǵaryshtyq keskinderdi júkteýge bolady. Al eger Qylmys kartasy týraly tereńirek aıtar bolsaq, qala qurylysynyń ǵaryshtyq monıtorınginiń basymdyqtaryn atap ótýge bolady. Ǵaryshta túsirilgen keskin men qaladaǵy qylmystardy qalaı baılanystyrýǵa bolady degen suraq týyndaýy yqtımal. Bul suraqtyń jaýabyn tabý úshin qylmystardyń oshaǵy qaıda paıda bolatynyn taldaý kerek. Álbette, tártiptik baqylaýy tómen ýchastoktarda qylmys kóp tirkeledi. Ádette bul - azamattar turaqty tirkeýsiz jáne qalaǵa kelgeni týraly tirkelýsiz turyp jatqan, qurylysy ala-qula aýdandar», - deıdi Erǵazy Nurǵalıev.
Otyrys barysynda sonymen qatar, qylmys kartasynyń arqasynda krımınogendi aýdandardy anyqtaýǵa bolatyny aıtyldy. Ol óz kezeginde qylmyspen kúres júrgizýge kómektespek.