Qazaqstandaǵy qylmys sanynyń kórsetkishi shaǵymdardy elektrondyq tirkeý esebinen joǵarylady - Bas prokýratýra
ASTANA. 25 qarasha. QazAqparat /Jasulan Amanbaıuly/ - Qazaqstandaǵy krımınogendik jaǵdaı turaqty.
Bul týraly búgin QR Bas prokýratýrasynda ótken qoǵamdyq keńes otyrysynda Quqyqtyq statıstıka jáne arnaıy esepke alý jónindegi komıteti tóraǵasynyń orynbasary Sábıt Nurlybaı málim etti.
«Keıbir BAQ quraldary sońǵy 10 aı ishinde qylmys sanynyń kúrt ósip ketkendigi jóninde málimetter taratýda. Jalpy, bizdiń elimizdegi krımınogendik ahýal turaqty der edim», - dedi Sábıt Nurlybaı.
Onyń aıtýynsha, 2011 jyldyń 10 aıynda 160 myńǵa jýyq qylmys tirkelgen. Bul ótken jylǵy kórsetkishten 44,5 paıyzǵa joǵary.
«Tirkelgen qylmys sanynyń ósýi quqyqqorǵaý organdarynyń qylmystardy tirkeý salasyndaǵy saıasatynyń ózgerý sebebinen oryn alyp otyr. Іshki ister organdarynda jáne Qarjy polıtsııasynda qylmystar týraly aryzdardyń elektrondy tirkeýi qolǵa alyndy. Endi budan bylaı árbir aryz jasyrýǵa kelmeıdi jáne kóz tasasynan tys qalmaıtyn bolady. Bul ózgerister sońǵy on aı ishindegi qylmystar kórsetkishiniń 44,5 paıyzǵa artýyna alyp keldi. Óıtkeni buryn jasyrylyp kelgen qylmystar esepke alyndy. Shyntýaıtyna kelgende elimizdegi qylmystyq ahýal shıelenisken joq», - dep túıindedi sózin S. Nurlybaı.
