Qazaqstandaǵy kútiletin ómir jasynyń uzaqtyǵy 69,1 jylǵa artty
ASTANA. 27 tamyz. QazAqparat - Qazaqstanda kútiletin ómir jasynyń uzaqtyǵy artty. Bul týraly QR Densaýlyq saqtaý mınıstrliginiń baspasóz qyzmetine silteme jasap rm.kz saıty habarlaıdy.
Vedomostvonyń habarlamasyna qaraǵanda 2011 jyldyń qorytyndysy boıynsha aldymyzda kútiletin ómir jasynyń uzaqtyǵy 69,1 jylǵa artqan. Bul 2010 jyly 68,4 jyldy quraǵan bolatyn.
Budan bólek, aǵymdaǵy jyldyń 5 aıy ishinde týýdyń 2 paıyzǵa jáne tabıǵı ósimniń 6,3 paıyzǵa artýy baıqalǵan. Sondaı-aq halyq arasyndaǵy ólimniń jalpy kólemi 4,3 paıyzǵa tómendegen. 2012 jylǵy І jartyjyldyqta ana ólimi 13 paıyz, sábı ólimi 5 paıyzǵa azaıǵan. Atalǵan kórsetkishter qazaqstandyqtardyń densaýlyǵyn jaqsartýǵa, eldiń turaqty áleýmettik-demografııalyq damýyn qalyptastyrýǵa, dárigerlik qyzmet kórsetý deńgeıin artyrýǵa jáne negizgi áleýmettik-mańyzdy aýrýlardy emdeýge baǵyttalǵan «Salamatty Qazaqstan» memlekettik baǵdarlamasyn júzege asyrýdyń arqasynda múmkin bolýda.
