Qazaqstandaǵy qurylys salasyn lıtsenzııalaý júıesi jetildirýge muqtaj
ASTANA. Aqpannyń 2-si. QazAqparat /Ernur Aqanbaı/ - Qazaqstandaǵy qurylys salasyn lıtsenzııalaý júıesi ózgertýge jáne jetildirýge muqtaj. Bul týraly Qurylys jáne turǵyn úı-kommýnaldyq sharýashylyq isteri agenttiginiń búgingi alqa májilisinde vedomstvo basshysy Sergeı Nokın málim etti,
dep habarlaıdy QazAqparat.
«Elimizde 38 myńdaı lıtsenzııa berildi. Alaıda, lıtsenzııalanǵandardyń barlyǵy birdeı ózderiniń fýnktsııalaryn sapaly ári tolyq kólemde oryndamaı jatqandyǵy eshkimge qupııa emes. Sońǵy jyldardyń saraptamasy men tájirıbesi qurylys salasyn lıtsenzııalaý júıesi ózgertýge jáne jetildirýge muqtaj ekendigin kórsetip otyr», dedi alqada S. Nokın.
Onyń aıtýynsha, osy jumystyń aıasynda Agenttik Ekonomıka jáne bıýdjettik josparlaý mınıstrligine birqatar usynystar engizgen. Ol usynystar mynadaı sharalardy, atap aıtqanda: lıtsenzııalarda sanattardy bólýdi endirýdi; jańa biliktilik talaptardy ázirleýdi; saraptamalyq jumystar men ınjenerlik qyzmetterdi lıtsenzııalaý salasynan attestattaý salasyna berýdi; qurylys materıaldarynyń jáne konstrýktorlyq buıymdar óndirisin lıtsenzııalanatyn túrlerden alyp, olardy sertıfıkattaý salasyna berýdi qarastyrady.
«Agenttik qyzmettiń lıtsenzııalandyrylatyn túrlerin ońtaılandyrý jáne qysqartý, sondaı-aq lıtsenzııalaý úderisin jetildirý arqyly ruqsat berý júıesindamytý jóninde sharalardy qabyldaýda iske qosylatyn nysandardyń sapasyna yqpal etetin áreket jasaıtyn tetikterdiń biri - qurylys salasyn lıtsenzııalaý bolyp tabylady», dedi ol.
