Qazaqstandaǵy QR Prezıdentiniń kezekten tys saılaýy eýropalyq standarttarǵa sáıkes ótip jatyr - Vengrııa ókili
ASTANA. 3 sáýir. QazAqparat /Gúlmıra Álıakparova/ - Qazaqstandaǵy QR Prezıdentiniń kezekten tys saılaýy eýropalyq standarttarǵa sáıkes ótip jatyr.
Bul pikirimen Astanadaǵy №22-shi mektep-ınternatta ornalasqan №77-shi saılaý ýchaskesinde bolǵan Vengrııa Respýblıkasynyń ıAs-Nadkýn-Solnok oblystyq keńesiniń tóraǵasy Kovach Shandor bólisti.
Jýrnalısterge bergen suhbatynda K.Shandor, tańerteńnen beri 4 saılaý ýchaskesinde bolǵanyn, saılaý kúniniń sońyna deıin taǵy ekeýinde bolýdy josparlap otyrǵanyn aıtty. Al keshke daýys berý bıýlletenderin sanaýǵa qatysýǵa nıetti.
«Qazaqstandaǵy daýys berý úderisin basynan-aıaǵyna deıin baqyladyq. Ol eýropalyq standartqa sáıkes ótip jatyr. Men daýys berýshilerdiń belsendiligine tańdanyp ta, qýanyp ta turmyn», - dedi ol.
El prezıdentin saılaýǵa alǵash ret baıqaýshy retinde qatysyp otyrǵandyǵyn jetkizgen halyqaralyq baıqaýshy, Qazaqstan prezıdenttigine úmitkerlerdiń saılaýaldy úgit-nasıhat jumystaryn, eldiń atalmysh saıası naýqanǵa daıyndyq barysyn Vengrııadan ınternet jáne telearnalar arqyly baqylaǵanyn aıtty.
