Qazaqstandaǵy Koreı mádenı ortalyǵy erekshe konkýrs jarııalady
NUR-SULTAN. QazAqparat – Koreıa Respýblıkasynyń Elshiligi ulttyq taǵam konkýrsyn jarııalady, dep habarlaıdy QazAqparat tilshisi.
Baıqaý onlaın rejımde ótedi. Shart boıynsha, konkýrsqa qatysýshylar koreı mádenı ortalyǵynyń saıtynda jarııalanǵan 23 koreı taǵamynyń birin tańdaý qajet. Tańdap alynǵan taǵamdy daıyndaý protsesiniń fotosýretterin jáne aqyrǵy ónim sýretin ótinimmen birge joldaıdy. Ótinimdi 10 maýsymǵa deıin Koreı mádenı ortalyǵynyń elektrondyq poshtasyna jiberý qajet.
Onlaın-konkýrsqa qatysýshylardyń aspazdyq ónerin búkil qazaqstandyqtar 11 mamyr men 22 maýsym aralyǵynda koreı mádenı ortalyǵynyń YouTube platformasynan kóre alady.
Aqtyq synǵa aldyn ala iriktelgen 10 jumys qana ótedi. Olardyń ishinen jeli qoldanýshylarynyń onlaın-daýys berýi arqyly jáne mamandardyń baǵalaýy arqyly 5 jeńimpaz irikteledi.
«Baıqaý jeńimpazdary baǵaly syılyqtarǵa ıe bolady. Júldelermen qatar barlyq qatysýshylar arasynda lotereıa ótkiziledi. Shara týraly tolyq aqparatty https://kaz.korean-culture.org/kk/494/board/205/read/108321 siltemesi boıynsha alýǵa bolady», - deıdi Koreı mádenı ortalyǵynyń dırektory Lı Heran.
