Qazaqstandaǵy qor naryǵyna shekteý engiziledi

ASTANA. QazAqparat – Qazaqstandyq brokerler klıenttiń, ıaǵnı jeke tulǵanyń qarjy quraldaryn satyp almas buryn biliktiligi men ınvestıtsııalyq beıinin baǵalaýǵa mindetteledi, dep habarlaıdy QazAqparat tilshisi.

Bul ózgerister «Qazaqstan Respýblıkasynyń keıbir zańnamalyq aktilerine saqtandyrý naryǵyn jáne baǵaly qaǵazdar naryǵyn retteý men damytý boıynsha ózgerister men tolyqtyrýlar engizý týraly» zańda jazylǵan.

«Klıentter bilikti jáne biliktiligi joq ınvestorlarǵa bólinetin bolady. Bilikti ınvestorlar kez kelgen qarjy quralyn, tipti táýekeli joǵary satyp ala alady. Biliktiligi tómen jeke tulǵalar syn-qateri az konservatıvti qarjy quraldaryn satyp ala alady. Bul shekteý tıisti bilikti basqarýshylardy jaldap, óz ınvestıtsııalaryn óz betinshe baǵalaı alatyn zańdy tulǵalarǵa qoldanylmaıdy», - dedi QR Qarjy naryǵyn retteý jáne damytý agenttigi tóraǵasynyń orynbasary Marııa Hadjıeva Ortalyq kommýnıkatsııalar qyzmetinde ótken baspasóz máslıhatynda.

Spıker tıisti bilimi, kásibı sertıfıkattary, qor naryǵynda jumys tájirıbesi, keminde 8,5 myń AEK somasyna qarjy aktıvteri sııaqty ólshemderge sáıkes keletin jeke tulǵa bilikti ınvestor retinde tanylatynyn atap ótti.

Eger ınvestor osy ólshemsharttarǵa sáıkes kelmese, ol óziniń brokeri júrgizetin biliktilik deńgeıin baǵalaý boıynsha testileýden ótýge quqyly.

Investıtsııalyq keńes berý qyzmetterin tek lıtsenzııasy bar brokerler men dılerler usyna alady.

M. Hadjıeva bul sharalar ınvestorlardy qorǵaýǵa baǵyttalǵanyn jáne olardyń sany 404 myń adamǵa jetkenin atap ótti.

Foto: ortcom.kz