Qazaqstandaǵy kompanııanyń mıllıarder basshysy Ózbekstanda óz Qorynyń ókildigin ashty
ASTANA. QazAqparat - Fattah Shodıev halyqaralyq qorynyń ókildigi Ózbekstan ádilet mınıstrliginde tirkeýden ótti, dep habarlaıdy uznews.uz.
Qordyń negizgi maqsaty - balalar úıine jan-jaqty gýmanıtarlyq qoldaý bildirý, medıtsınalyq kómek kórsetý boıynsha qaıyrymdylyq jobalar ótkizý.
Aıta keteıik, halyqaralyq qordyń bas keńsesi Lıhtenshteınde ornalasqan. Qordyń Ózbekstandaǵy ókildiginiń basshysy bolyp Keıt Elızabet Magýaır saılandy.
Eske salaıyq, Fattah Shodıev - Qazaqstandaǵy ENRC iri ken óndirý kompanııasynyń teń ıegeri jáne teń quryltaıshysy. Ol Ózbekstan Respýblıkasynyń Jızzaq oblysynda dúnıege kelgen.
