Qazaqstandaǵy kommertsııalyq qurylymdar kıber shabýyldardan álsiz qorǵalǵan - sarapshy
ASTANA. QazAqparat - Qazaqstandaǵy kommertsııalyq qurylymdar kıber shabýyldardan álsiz qorǵalǵan. Bul jaıynda búgin «Qazaqstanda aqparattyq qaýipsizdikti damytý» ІІІ halyqaralyq konferentsııasynda «Aston Alliance» konsortsıýmynyń basshysy Sanjar Mýmınov málim etti.
Onyń sózine qaraǵanda, osy salada búginde Qazaqstanda óte jaqsy zańdyq negiz qurylǵan. «Quqyqtyq negiz bar. Alaıda tehıkalyq turǵyda biz qalys kelemiz. Aqparattyń jaıylyp ketpeýin tirkeıtin quraly bar kásiporyndar óte az. Atap aıtqanda, kıber qylmysqa, aqparattyq derekter urlyǵyna qarsy turatyn jetkilikti júıemen qamtylǵandar shamaly», - dedi S. Mýmınov.
Onyń aıtýynsha, bul turǵyda kommertsııalyq qurylymdarǵa qaraǵanda aqparattyq qaýipsizdik memlekettik organdarda jaqsy jetildirilgen. Sonymen qatar ol Qazaqstanda kıber qylmystar jaıynda statıstıka ázirge júrgizilmeı otyrǵandyǵyn sóz etti.
