Qazaqstandaǵy kolledjder stýdentsiz qalýy múmkin
ASTANA. QazAqparat - Aldaǵy 2-3 jyldyń ishinde elimizdegi kolledjder stýdentsiz qalýy múmkin. Bul týraly búgin QR Parlamenti Májilisiniń depýttarymen kezdesý barysynda Astana polıtehnıkalyq kolledjiniń dırektory Qasymhan Senǵazıev aıtty, dep habarlaıdy QazAqparat tilshisi.
«Eger nazar aýdarar bolsańyzdar, qazir joǵary oqý oryndaryna túsýshilerdiń sany 7 paıyzǵa artty. Árıne, bul bir jaǵynan jaqsy. Degenmen, myna máselege nazar aýdarǵym keledi. Kelesi jyldardan bastap kolledjge túsetinderdiń sany kemı túsedi. Nelikten mundaı jaıt oryn almaq? Sebebi 1 qyrkúıekten bastap mektepter jan basyna qarjylandyrýǵa kóshti. Eger buryndary mektep dırektorlary úshke oqıtyn oqýshylaryn kolledjerge jiberetin bolsa, endi mundaı bolmaıdy. Olardy da qaldyrady. Óıtkeni qarjy qomaqty bolady. Ekinshiden, mektep dırektorlaryn UBT reıtınginen alyp tastady. Olar eshteńege jaýap bermeıdi. Úshinshiden, granttar sany artty. Bıyl joǵary oqý oryndaryna birinshi kýrstyń mol legi bardy. Máselen, Eýrazııa ýnıversıtetinde byltyr birinshi kýrsqa 3 myń adam qabyldansa, bıyl 7 myńǵa jetti», - dedi ol.
Onyń aıtýynsha, munyń ústine jergilikti ákimder beretin granttar bar. Máselen, aǵymdaǵy jyldyń ózinde Astana ákimdigi joǵary oqý oryndaryna 1 myń bólip otyr.
«Demek, qazirden-aq 9 synyp oqýshylary jáne olardyń ata-analary birden joǵary bilim alýǵa múddeli bolmaq. ıAǵnı, buǵan deıin kolledj arqyly emtıhansyz JOO-ǵa barýǵa bolatyn. Al qazir kolledj túlekterine de JOO-ǵa túsý úshin talap qoıylyp otyr. Bul problemany zerdelep, kóterip, sheshý qajet. Óıtpegen jaǵdaıda 2-3 jyldan keıin stýdentsiz qalamyz. ıAǵnı, jumysshy kadrlardan aıyrylamyz», - dedi Qasymhan Senǵazıev.
